اسلام آباد (سٹاف رپورٹر)سی ڈی اے مزدور یونین اور شہرکی سول سوسائٹی کے زیر اہتمام ادارے سے ریٹائرڈ ہونے والے ملازمین سیف اللہ اور یعقوب مسیح کے اعزازمیں شاندارالوداعی تقریب کا اہتمام کیا گیا جس میں پاکستان مسلم لیگ(ن) کے سینیٹرمشاہد حسین سید،سینیٹرفوزیہ ارشد،غلام جیلانی،سی ڈی اے مزدور یونین کے جنرل سیکرٹری چوہدری محمد یٰسین،راجہ محمد رفیق،اسدمحمود،محمد سرفرازملک،طارق شریف،وارث دلیپ،سلیم بھٹی،راجہ ارشد،اشفاق گجر،شاہد ستی،محمد شفیق عباسی سمیت کثیرتعدادمیں ملازمین نے شرکت کی،تقریب سے خطاب کرتے ہوئے پاکستان مسلم لیگ(ن) کے سینیٹر مشاہد حسین سید،سینیٹرفوزیہ ارشداورسی ڈی اے مزدور یونین کے جنرل سیکرٹری چوہدری محمد یٰسین نے کہا کہ ادارے سے ریٹائرڈ ہونے والے ملازمین کی خدمات قابل ستائش ہیں جس پر ہم انہیں خراج تحسین پیش کرتے ہیں اور تمام مسیحی برادری کو کرسمس اور نئے سال کی مبارکبادپیش کرتے ہیں،انھوں نے کہا کہ شہرکی ترقی اور ادارے کی بہتری کے لیے مسیحی برادری کی خدمات ہیں جو ایک محدودوسائل کے باوجوددن رات شہرکی بہتری کے لیے اپنی ڈیوٹی سرانجام دے رہے ہیں اور آج کی تقریب کا مقصدبھی ان ملازمین کی خدمات کو خراج تحسین پیش کرنا ہے،اسی طرح دوسرے سیکٹرزکی سول سوسائٹی کے لوگوں کو چاہیے کہ وہ ان ملازمین کی حوصلہ افزائی کے لیے پروگرام منعقدکریں،اس موقع پر انھوں نے چیئرمین سی ڈی اے سے مطالبہ کیا کہ ان ملازمین کے جائز مطالبات حل کیے جائیں ،تقریب کے اختتام پر ریٹائرڈ ہونے والے ملازمین میں شیلڈزپیش کی گئیں اور انہیں تحائف دیے گئے۔