گوجرانوالہ(سٹاف رپورٹر)پاکستان سنی تحریک کے صوبائی صدر شمالی پنجاب محمد زاہد حبیب قادری نے کہا ہے کہ ایران میں بم دھماکوں کی شدید الفاظ میں مذمت اور ہلاکتوں پر افسوس کا اظہار کرتے ہیں، افغان حکومت شرپسندوں کو اپنی سرزمین استعمال کرنے کی اجازت نہ دے، شدید سردی کے باوجود بجلی اور گیس کی لوڈ شیڈنگ مزائقہ خیز ہے، حکومت اپنی نالائقی پر پردہ ڈالنے کی بجائے کارکردگی بہتر کرے، نگران وزیراعظم انوار الحق کاکڑکا پنجابیوں سے متعلق بیان معنی خیز ہے، فلسطینیوں کی قربانیاں اور لازوال استقامت نے مسلم امہ کو اتحاد اور یکجہتی کا واضح پیغام دے دیا ہے، ان خیالات کا اظہار انہوں نے گزشتہ روز اپنی رہائش گاہ قادری ہاؤس میں مختلف مذہبی اور سیاسی جماعتوں کے آئے ہوئے عمائدین سے ملاقات کرتے ہوئے کیا، صوبائی صدر شمالی پنجاب محمد زاہد حبیب قادری نے کہا کہ ان حالات میں اس موقع پر ایران میں بم دھماکوں کو کی سازش سے خالی قرار نہیں دیا جا سکتا،امریکہ کی فلسطینیوں کے ساتھ ہمدردی مکار لومڑی جیسی ہے، غزہ کو کھنڈرستان بنا کر امریکہ اب مکار ی کا کھیل کھیل رہا ہے، محمد زاہد حبیب قادری نے اس موقع پر مزید کہا کہ سردی کے اس شدید موسم میں بجلی اور گیس کی لوڈ شیڈنگ حکومت کی واضح ناکامی کا منہ بولتا ثبوت ہے، انہوں نے کہا کہ نگران وزیراعظم انوار الحق کاکڑ کا بیان پنجابی، بلوچ اور کسی قبیلے سے منسوب نہ کیا جائے بلکہ وہ بلوچستان کا درد بیان کرنے کی کوشش کر رہے ہیں، بلوچستان کے مسنگ پرسن کا مسئلہ بلوچستان کا نہیں بلکہ پورے پاکستان کا ہے اس کو ایک نظر سے دیکھنے کی بجائے ملک کے معروضی حالات کے تناظر میں دیکھنا ہوگا، ایک طرف نہتے مظلوم بلوچ ہیں جن کو روزانہ کی بنیاد پر دہشت گرد دہشت گردی کا نشانہ بنا رہے ہیں دوسری طرف وہ بلوچ ہیں کہ جن کو دشمن اپنے منفی عزائم کی تکمیل کے لیے استعمال کر رہے ہیں، پڑھے لکھے اور ہنر مند بلوچ نوجوانوں کو قومی دھارے میں شامل کرنا حکومت کی ذمہ داری ہے.