اسلام آباد(سٹاف رپورٹر)اسلام آبادکیپیٹل سٹی پولیس آفیسر(آئی سی سی پی او) ڈاکٹر اکبر ناصر خاں نے ڈی پی او انڈسٹریل ایریا کے دفتر کی نئی عمارت کا افتتاح کردیا۔نیا ڈی پی او دفتر اسلام آباد کے اہم ترین مرکز آئی ایٹ میں تعمیر کیا گیا ہے۔ڈی پی او انڈسٹریل ایریا کا دفتر کشمیر ہائی وے پر واقع تھا جس کو احتجاج کے دوران جلادیا گیا تھا ۔آئی سی سی پی اونے کہا کہ پولیس نے اپنے وسائل سے آئی ایٹ میں عارضی ڈی پی او دفتر بنایا ہے ۔یہاں ایکسپریس وے، آئی جے پی روڈ اور فیض آباد کا سنگم ہے اوربس اڈوں جیسی اہم جگہیں ہیں۔ ڈاکٹر اکبر ناصر خاں نے کہاکہ آئی ایٹ مرکز اور اس کے اطراف کیمروں کی تنصیب سے جرائم پر قابو پانے اور انسداد دہشت گردی میں مدد ملے گی۔افتتاحی تقریب میں معززین علاقہ ، تاجران، اسلام آباد چیمبر آف کامرس کے نمائندوں نے شرکت کی اور اسلام آباد پولیس کی قیام امن کےلئے کاوشوں کو سراہا۔