گوجرانوالہ( آئی ایم ایم نیوز)سلیمانی ہیئر ڈریسر ویلفیئر سوسائٹی پنجاب کے صدر عارف حسین منہاس سینئر نائب صدر تنویر احمد جنجوعہ،سرپرست اعلی شبیر احمد کھوکھر، سرپرست محمد اسلم ناگرا،چیئرمین محمد شریف و دیگر عہدیداروں نے شمالی وزیرستان کے علاقے میر علی میں دہشت گردوں کے ہاتھوں پنجاب کے 6 حجاموں کے قتل کی شدید الفاظ میں مذمت کی ہے اور حکومت پاکستان سے مطالبہ کیا ہے کہ اس افسوسناک واقعہ کے ملزمان کو فوری طور پر گرفتار کرکے عبرتناک سزا دی جائے۔یاد رہے گزشتہ دنوں میر علی بازار میں نامعلوم افراد نے طا رق مارکیٹ میر علی بازار سے ڈیرہ غازی خان سے تعلق رکھنے والے 6 حجاموں محمد شاہد، راعب، کاشف، عرفان، ساجد اور محمد طارق کو دکانوں سے ا وٹھا کر کھیتوں میں لے جا کر اندھا دھند فائرنگ کرکے قتل کر دیا تھا۔جس کا مقدمہ تھانہ سی ٹی ڈی بنوں میں ایس ایچ او میر علی سلیمان خان کی مدعیت میں درج کیا گیا ہے۔پولیس کا کہنا ہے کہ علاقے میں دہشت گرد حیدری آریانہ اور خدری گروپ سرگرم ہیں۔