گوجرانوالہ(سٹاف رپورٹر)پاکستان مسلم لیگ ن کے مرکزی رہنما و امیدوار این اے 78انجینئر خرم دستگیر خان ، امیدوار پی پی 61 عمران خالد بٹ، امیدوار پی پی 65 حاجی وقار احمد چیمہ نے کہا ہے کہ سیاستدانوں کی تاحیات نااہلی کا عدالتی فیصلہ خوش آئند اور حق وچ پر مبنی ہے۔عوام کے محبوب لیڈر میاں نوازشریف ووٹ کی طاقت سے چوتھی مرتبہ بھی وزیر اعظم بننے جارہے ہیں۔میاں نوازشریف نے 2014ء میں دھرنے کے باوجود سی پیک پر کام کیا۔تحریک انصاف اور عمران خان نے ہمیشہ ملک مخالف اقدامات کرکے پاکستان کو نقصان پہنچایا۔پاکستان مسلم لیگ ن نے ہمیشہ پاکستان کی بہتری اور عوام کی خوشحالی کیلئے عملی اقدامات کئے۔پی ڈی ایم کی حکومت نے سولہ ماہ کے قدیم عرصہ میں شہباز شریف کی قیادت میں ملک کو دیوالیہ ہونے سے بچایا۔عمرانی ٹولہ نے اپنی غلط پالیسیوں اور نالائقی سے ملکی معیشت کو تباہ و برباد کردیا۔ملکی املاک کو نقصان پہنچانے والا 9مئی کو ایک جتھہ بے نقاب ہوگیا۔9مئی جیسے واقعات روکنے کیلئے قانون سازی کرنا ہوگی۔ان خیالات کا اظہار انہوں نے جنڈیالہ باغوالہ اور کشمیر روڈ پر انتخابی جلسوں سے خطاب کرتے ہوئے کیا۔اس موقع پر سابق وفاقی وزیر انجینئر خرم دستگیر خان نے کہا کہ گوجرانوالہ کے غیور عوام نے عمرانی دور حکومت میں اپنے دشمنوں کو پہچان لیا جنہوں نے گوجرانوالہ میں ایک اینٹ بھی نہیں لگائی ۔8فروری کو گوجرانوالہ کے غیور عوام اپنے ووٹ کی طاقت سے مسلم لیگی امیدواروں کو کامیاب کروائیں گے۔