گوجرانوالہ(سٹاف رپورٹر) پاسبان اہل سنت پاکستان کے زیر اہتمام شیخ الحدیث صاحبزادہ علامہ پیر سید ریاض الحسن شاہ کی یاد میں تعزیتی ریفرنس سے خطاب کرتے ہوئے سربراہ عالمی تنظیم اہل سنت پیر محمد افضل قادری نے خطاب کرتے ہوئے کہا ہے کہ پیر سید ریاض الحسن شاہ عالم با عمل عظیم علمی اور روحانی شخصیت تھے جن کی علمی، دینی، ملی اور قومی خدمات کو تا دیر یاد رکھا جائے گا، انہوں نے ہمیشہ ترویج و اشاعت اسلام کے لیے اپنی خدمات کو پیش کیا ہے، تاریخ اسلام میں اولیاء ا کرام اور علماءو مشائخ کی خدمات کو طورہ امتیاز حاصل رہے گا، پاکستان کی سرزمین ایک مقدم محترم علمی روحانی شخصیت سے محروم ہوئی جس کا خلا ءتا دیر تک پر نہ کیا جا سکے گا، جبکہ اس موقع پر پیرسید اسد اللہ شاہ غالب، صاحبزادہ پیر علامہ محمد ذکا ءاللہ رضوی،صاحبزادہ پیر محمد داؤد رضوی،پیر محمد ضیا اللہ قادری مولانا رمضان اویسی، صوبائی صدر پاکستان سنی تحریک شمالی پنجاب محمد زاہد حبیب قادری، سیدلقمان شاہ،چکوال، سید مراتب علی شاہ چکوال،سیدزوہیب الحسن شاہ چکوال، پیر سید عبدالغفار شاہ حسینی،عبدالحمید چشتی،مفتی علی رضا،عطاءاللہ رضوی، محمد اکرام بابر، عطاء الرحمن خان صافی، مولانا فیاض الحسن صدیقی اور دیگر علماء مشائخ اور قائدین اہل سنت نے تعزیتی تقریب سے خطاب کرتے ہوئے کہا کہ ملک اور قوم کے لیے نجات دہندہ نظام خلفاء راشدین ہی ہو سکتا ہے، خلیفہ اول بلا فصل حضرت ابوبکر صدیق رضی اللہ تعالی عنہ کی زندگی قربانی و تعمیر ملت اور اسلامی ائین کو رائج کرنے سے مزین ہے.