گوجرانوالہ(حافظ عبدالجبار سے ) ملک بھر میں حالیہ دہشت گردی کی لہر اور مولانا مسعود الرحمٰن عثمانی کی شہادت کے بعد سیکورٹی خدشات کے پیش نظر ضلعی ممبران امن کمیٹی و مسلکی نمائندگان کا اہم مشاورتی اجلاس ضلع بھر کے علماء کرام، مدارس، مساجد، امام باہوں، اور چرچوں کی سیکورٹی پر تفصیلی تبادلہ خیال ہوا،ممبران امن کمیٹی نے اس عزم کا اظہار کیا ہے کہ الحمداللہ گوجرانوالہ شہر امن کا گہوارہ ہے، اور الحمداللہ گوجرانوالہ میں باہمی اتفاق و اتحاد کی فضاء کی مثال پورے پنجاب میں دی جاتی ہے، ہم اپنے شہر کے امن کے لئے ہمیشہ پرعزم ہیں۔ مسلکی نمائندگان کا وفد افسران بالا سے جلد ملاقات کرے گا۔اجلاس میں مولانا جواد محمود قاسمی ڈائریکٹر وفاق المدارس العربیہ پاکستان گوجرانوالہ ریجن، حاجی محمد بابر رضوان باجوہ، سید علی رضا رضوی، محمد سعید احمد صدیقی ، قاضی مراد اللہ، حافظ عبدالجبار، حافظ محمد سجاد اکبر مجددی نے شرکت کی۔