گوجرانوالہ(سٹاف رپورٹر)واسا اتحاد یونین کے 17جنوری بروز بدھ شیرانوالہ باغ میں ہونے والے ریفرنڈم کے سلسلہ میں ماڈل ٹائون ٹینکی واسا میں دوسرا انتخابی جلسہ منعقد ہوا۔ ماڈل ٹائون آمد پر واسا اتحاد یونین کے صدر محمد اسحاق میئو اور دیگر معزز مہمانان گرامی کو گھوڑوں پر بٹھا کر جلسہ گاہ لایا گیا جہاں پر ان پرپھولوں کی پتیاں نچھاور کی گئیں ، ہار ،دلہا والے قلے اور پگڑیاں پہنائی گئیں۔جلسہ کے شرکا واسا ملازمین سے خطاب کرتے ہوئے صدر محمد اسحاق میئو نے کہا کہ 17 جنوری کو یونین الیکشن کی آڑ میں لوٹ مار کے منصوبے بنانے والوں اور سابق ادوار میں ملازمین واسا کا استحصال کرنے والوں کا یوم حساب ہوگا۔ انشا اللہ دوبارہ کامیابی کے بعد بھی اسی طرح واسا ملازمین کے کام کرتے رہیں گے کسی ملازم کے ساتھ زیادتی اور ان کا معاشی قتل نہیں ہونے دیا جائے گا ۔انہوں نے کہا کہ ملازمین کی ترقیوں کا سفر اسی طرح جاری و ساری رہے گا۔اس موقع پر یونین لیڈر عبدالرحمن بٹ نے اپنے ساتھیوں کے ہمراہ واسا اتحاد یونین میں شمولیت کا اعلان کیا اور اپنے خطاب میں مخالف یونین کے عہدیداروں پر کرپشن جیسے سنگین الزامات بھی عائد کئے اور کہا کہ ملازمین واسا کی بقا اسی میں ہے کہ وہ اپنے حقوق اور مسائل کے حل کے لئے واسا اتحاد یونین کو ووٹ دیکر دوبارہ کامیاب کرائیں تاکہ ملازمین کے حقوق سلب کرنے والے اور لوٹ مار کے خواب دیکھنے والوں کے خواب چکنا چور ہوجائیں۔ انہوں نے کہا کہ 17جنوری کو ریفرنڈم میں انتخابی نشان کبوتر کی کامیابی یقینی ہے۔ اس موقع پر سرپرست اعلی مظفر چاند بٹ، چیئرمین یونین محمدافتخارچوہدری ،جنرل سیکرٹری عمانویل غوری ،اشرف گجر و دیگر مقررین نے بھی خطاب کیا۔ اس موقع پر ایڈیشنل جنرل سیکرٹری مقصوداحمد گھمن ، فنانس سیکرٹری محسن رضا ، ایڈیشنل سیکرٹری محمد عمران، سینئر نائب صدر تبسم وکی ،جوائنٹ سیکرٹری سعید انجم،آفس سیکرٹری آصف نصیر،سیکرٹری نشرواشاعت مشتاق مسیح،بشارت علی، ظہور احمد،شکیل سپروائزر،اشرف گجر،سرور مسیح،مشتاق سندھو ،پادری قیصر،ایلڈر یونس،عمانیویل عزیز،ندیم غوری ،ناصر جان،طارق مسیح،وکی سیمسن ،طارق سرور،عابد گل،عزیز بلا،یعقوب مسیح،آصف بھٹی، نوید سندھو، محمد علی ڈرائیور ،جوزف اقبال،بابا زبیر عبدالنبی سمیت دیگر ملازمین کی کثیرتعداد موجود تھی۔
کیپشن تصویر۔