گوجرانوالہ(سٹاف رپورٹر)محکمہ واسا گوجرانوالہ کی سی بی اے یونین کا ریفرنڈم شیرانوالہ باغ میں منعقد ہوا صبح 9 بجے سے شام 4 بجے تک پولنگ انتہائی پر امن ماحول میں ہوئی پولنگ کی نگرانی محکمہ لیبر کے افسران نے کی۔ ٹوٹل ووٹ 701 میں سے 670 کاسٹ ہوئے31 ووٹ کاسٹ نہیں ہوئے اور14 ،ووٹ کینسل ہوئے نتائج کے مطابق نیو واسا لیبر یونین پھول نے ریکارڈ 378 ووٹ لیکر کامیاب جہاںزیب چٹھہ گروپ نے میدان مار لیا۔ جبکہ برسر اقتدار واسا اتحاد یونین کبوتر کو 278 ووٹ ملے نیو واسا لیبر یونین جہاںزیب چٹھہ گروپ نے بھاری اکژیت سے جیت کر ریکارڈ قائم کردیا ۔ نیو واسا لیبر یونین کے سہیل سہوترا صدر، جنرل سیکرٹری رانا توقیر حسین،سینئر نائب صدر طارق وسیم ڈار،چیئرمین ملک عباس بشیر،چیف آرگنائزر عصمت اللہ بٹ،ایدیشنل جنرل سیکرٹری عمران بٹ،ڈپٹی جنرل سیکرٹری چاند سہوترا،وائس چیئرمین بابا مراد منہاس سنائب صدر عابد ہیرا،شفیق بٹ،ہارون کھوکھر،آصف بھٹی،آرگنائزر نوید سندھو،فنانس سیکرٹری قیصر کھوکھر،ڈاکٹر رفیق،ارشد سہوترا،شفیق مٹو،مدثر بٹ،احسن کھوکھر،زمرون شاکر ،ملک منیر اور سیدہ توصیف ریاض سیکرٹری نشرواشاعت منتخب ہوگئے۔جیتنے کے بعد واسا ملازمین نے کامیاب ہونے والے عہدیداروں کو ہار پہنائے پھولوں کی پتیاں نچھاور کئیں اور بھنگڑے ڈا لے اور مٹھائی تقسیم کی گئی۔اس موقع پر گروپ قائدین جہاںزیب چٹھہ، میاں مصدق حسین،صدر یونین سہیل سہوترا،جنرل سیکرٹری رانا توقیر حسین،سینئر نائب صدر طارق وسیم ڈار،چیئرمین ملک عباس بشیر،ثاقب اشرف بٹ نے ملازمین سے خطاب کرتے ہوئے کہا ہے کہ ملازمین واسا نے فرعو نیت اور ٹھیکیداری نظام کو بری طرح شکست دے دی ہے۔انہوں نیملازمین کا شکریہ ادا کیا اور کہا کہ محنت اور خلوص سے ورکرز کے مسائل حل کروائیں گے غیر جانبدارانہ ریفرنڈم کے انعقاد پر لیبر ڈیپارٹمنٹ کے افسران کو خراج تحسین پیش کیا ۔ اور گروپ قائد جہاںزیب چٹھہ کو تاریخی ریفرنڈم جیتنے پر مبارک باد دی ہے اور کہا کہ جہاںزیب چٹھہ واسا ملازمین کوان کے حقوق دلانے اور ان کے جائز مسائل کے حل کیلئے آواز بلند کریں گے اور واسا ملازمین کے مسائل ترجیحی بنیادوں پر حل کرائیں گے ۔بعد ازاں فاتح یونین سلمان خالد پومی بٹ کے آفس گئی جہاں پر پومی بٹ،عمران خالد بٹ کامران خالد گوگا بٹ نے جیتنے والے عہدیداروں کا استقبال کیا اور انہیں جیتنے پر مبارک باد دی ۔