گوجرانوالہ (نیوز ڈیسک)آل پاکستان تنظیم مغلیہ رجسٹرڈ، مغل ویلفیئر سوسائٹی نوشہرہ روڈ گوجرانوالہ کے تحت مشاورتی اجلاس نسیم پیلس ہال میں منعقد ہوا ، آنے والے مہمانوں کا پرتپاک استقبال کرتے ہوئے مالا پہنائی گئی اور پھولوں کا گلدستہ پیش کیا گیا۔پروگرام کا آغاز قرآن پاک کی تلاوت سے کیا گیا۔ پروگرام کی صدارت آل پاکستان تنظیم مغلیہ رجسٹرڈ کے صدر، مغل مجلس شوری پاکستان کے سربراہ حاجی عبدالرئوف مغل نے کی، سٹیج سیکرٹری کے فرائض حافظ عبدالغفور مغل نے ادا کئے۔ ارشد مغل، بائو منیر کھوکھر، حاجی طاہر، ہارون رشید کھوکھر، حاجی سیف اللہ مغل، محمد ندیم کھوکھر، الحاج اسلم فیاض کھوکھر، سلیمان اسلم فیاض کھوکھر نے برادری کو ایک جگہ متحد ہو کر سیاسی پلیٹ فارم میں اپنا حق ادا کرنے کا کہاکہ مغل ویلفیئر سوسائٹی نوشہرہ روڈ کے صدر حاجی عبدالغفار مغل نے تمام آنیوالے مہمانوں کا شکریہ ادا کیا۔ برادری کی کثیر تعداد نے شرکت کی بعد میں کھانا دیا گیا۔