گوجرانوالہ،لاہور،ملتان ( سٹاف رپورٹر ) عام انتخابات کے انعقاد سے ملک میں جاری بے یقینی کی کیفیت کا خاتمہ ممکن ہوسکتاہے، عام انتخابات کے وقت پر انعقاد سے ملکی معیشت پر مثبت اثرات مرتب ہوں گے، پرامن اور فری اینڈ فیئر انتخابات کا انعقاد نگران حکومت کی ذمہ داری ہے، تمام تر خرابیوں اور کمزوریوں کے باوجود اگر عوام کو اپنا اختیار استعمال کرنے کا موقع دیا گیا تو دنیا بھر میں پاکستان کا مثبت امیج اجاگر ہوگا، ان خیالات کا اظہار انچارج مرکزی سیاسی کمیٹی پاکستان سنی تحریک ڈاکٹر عمران مصطفٰی کھوکھر، سردار محمد طاہر ڈوگر صدر پاکستان سنی تحریک وسطی پنجاب، محمد زاہد حبیب قادری صدر شمالی پنجاب نے اپنے مشترکہ بیان میں کیا، انہوں نے کہا کہ ہمیں پاکستان پر لگے اسلامی جمہوریہ کے لیبل کو حقیقت کا روپ دینا ہوگا، پاکستان کا مستقبل فری اینڈ فیئر انتخابات سے جڑا ہوا ہے، عوام پانچ سال تک حکمرانوں کو کوسنے کی بجائے اپنے ووٹ کی طاقت سے اپنے مستقبل کا فیصلہ کریں، نگران حکومت پرامن انتخابات کے انعقاد کے لیے سخت اقدامات کرے.