گوجرانوالہ(حافظ عبدالجبار سے)چیئرمین انجمن آرائیاں گوجرانوالہ چوہدری محمد سرفراز مہر کی جانب سے انجمن ارائیاں کے سیکرٹری اطلاعات و نو منتخب سینئر نائب صدر پرنٹ میڈیا ایسوسی ایشن گوجرانوالہ میاں تنویر ساحل،ایڈیشنل جنرل سیکرٹری حافظ عبدالجبار و دیگر دوستوں کے اعزاز میں پرتکلف عشائیہ دیا گیا۔ تقریب میں پرنٹ میڈیا کے چیئرمین سید احمد علی رضا ، جنرل سیکرٹری عاطف چاند بٹ ، نائب صدر چوہدری توصیف احمد ، ماجد جٹ ، ایڈیشنل جنرل سیکرٹری حافظ عبدالجبار ، ایگزیکٹو ممبر میاں دلشاد ،خواجہ دانش ، شیخ راشد ، ایڈیٹر روزنامہ کارگر انجینئر محمد ابوذر مغل و دیگر نے شرکت کی۔ عشائیہ میں صدر انجمن آرائیاں گوجرانوالہ چوہدری وسیم محمد، سینئر رہنما پیپلز پارٹی چوہدری محمد اقبال مہر، چوہدری ضیا المصطفی، چوہدری ریاض مہر آف باغبانپورہ، میاں اشتیاق، چوہدری محمد اسلم سابقہ کونسلر،چوہدری محمد بابر رضوان باجوہ،چوہدری کاشف خالد مہر، مولانا حافظ امجد محمود معاویہ جنرل سیکرٹری سیٹیزن پروٹیکشن کونسل گوجرانوالہ، چوہدری پرویز مہر، عمر سرفراز مہر، سیٹھ سیف اللہ و دیگر نے شرکت کی۔ اس موقع پر چوہدری محمد سرفراز مہر اور چوہدری محمد وسیم مہر نے خصوصی گفتگو کرتے ہوئے کہا کہ نومنتخب رجیم صحافیوں کے حقوق کی علمبردار ہے، پرنٹ میڈیا ایسوسی ایشن گوجرانوالہ کی کارکردگی لائق تحسین ہے، صحافیوں کے لئے ہمارے دروازے ہر وقت کھلے ہیں، عوام کے حقوق کی جنگ لڑنے والے صحافی ہمارے سروں کا تاج ہیں، صحافیوں کے اقدار کی پاسبان پرنٹ میڈیا ایسوسی ایشن گوجرانوالہ ہے۔ صحافت ملک کا چوتھا ستون ہے صحافی معاشرے میں آنکھ کی حیثیت رکھتے ہیں، علاقے کی ترقی و خوشحالی اور عام لوگوں میں شعور اجاگر کرنے کے لئے صحافیوں ہمیشہ اپنا کلیدی کردار ادا کرتے ہیں، انہوں نے مزید کہا۔ کہ مقامی صحافیوں کی کارکردگی کو ہم سراہتے ہیں۔ جن صحافیوں نے شہر میں ہمیشہ مثبت صحافت کو فروغ دیا ہم انہیں خراج تحسین پیش کرتے ہیں۔ جہنوں نے مظلوموں کو انصاف دلوانے کیلئے علاقے میں تعمیر ترقی اور ملک و قوم کی خوشحالی کیلئے ہمیشہ قلم کی طاقت سے عوام کی آواز کو اربابِ اختیار تک پہنچایا اور مسائل ترجیحی بنیادوں پر حل کروانے کی کوشش کی۔ انجمن ارائیاں ہمیشہ ان صحافیوں کے شانہ بشانہ کھڑی ہے۔