گوجرانوالہ( سٹاف رپورٹر) مقبوضہ جموں و کشمیر کے عوام سے اظہار یکجہتی کے لیے نیو واسا لیبر یونین سی بی اے کے زیر اہتمام ریلی نکالی گئی۔ ریلی کی قیادت چٹھہ گروپ کے قائد سابق صدر جہازیب ارشاد چٹھہ ،صدر سہیل سہوترا ،جنرل سیکرٹری رانا توقیر حسین،سینئر نائب صدر طارق وسیم ڈار نے کی۔ ریلی کے شرکاء نے پلے کارڈ اور بینر اٹھا رلکھے تھے جن پر مختلف نعرے درج تھے۔اس موقع پر خطاب کرتے ہوئے جہازیب ارشاد چٹھہ ،صدر سہیل سہوترا ،جنرل سیکرٹری رانا توقیر حسین،سینئر نائب صدر طارق وسیم ڈار و دیگر مقررین نے کہا کہ کشمیرپاکستان کی شہ رگ ہے اور وہ دن دور نہیں کہ کشمیر آزاد ہو گا کشمیر پر زبردستی قبضہ کرنے والوں کے دن گنے جا چکے ہیں کشمیر پاکستا ن کی شہ رگ ہے اور ہمار احصہ ہے پاکستانیوں کاد ل کشمیر کے ساتھ دھڑکتا ہے ، کشمیریوں کی حق تلفی بند کی جائے اور اقوام متحدہ کی خاموشی معنی خیز ہے ، کشمیری بھائیوں کے ساتھ شانہ بشانہ کھڑے ہیں ، کشمیریوں کی آزادی کے لئے ہر قسم قربانی سے دریغ نہیں کریں گے۔ مقررین نے مزید کہا کہ عالمی سطح پر کشمیر ایک متنازعہ علاقہ ڈکلیئر کیا گیا ہے۔ پاکستانی قوم کا ہر فرد افواج پاکستان اور کشمیری بھائیوں کے ساتھ ہے، اپنے خون کے آخری قطرے تک کشمیر کی آزادی کی جنگ جاری رکھیں گے۔ریلی میں نیو واسا لیبر یونین سی بی اے کے ،چیئرمین ملک عباس بشیر،چیف آرگنائزر عصمت اللہ بٹ،ایڈیشنل جنرل سیکرٹری عمران بٹ،ڈپٹی جنرل سیکرٹری چاند سہوترا،وائس چیئرمین بابا مراد منہاس نائب صدر عابد ہیرا،شفیق بٹ،ہارون کھوکھر،آصف بھٹی،آرگنائزر نوید سندھو،فنانس سیکرٹری قیصر کھوکھر،ڈاکٹر رفیق،ارشد سہوترا،شفیق مٹو ،احسن کھوکھر،زبلون شاکر ،ملک منیر اور سیدہ توصیف ریاض سیکرٹری نشرواشاعت دیگر واسا ملازمین بھی موجود تھے۔