گوجرانوالہ( سٹاف رپورٹر )سندس فائونڈیشن میں زیر علاج تھلیسمیا کے مریضوں کو خون کا عطیہ دینے کے لئے ڈی ایس پی عمران عباس چدھڑ کی خصوصی کاوشوں سے جماعت اہلسنت ضلع گوجرانوالہ کے زیر اہتمام مولانا حافظ محمد رفیق قادری اور سید اظہر حسین شاہ کی زیر نگرانی جامعہ قادریہ ملحقہ انوارالمساجد پاپولر نرسری میں بلڈ ڈونیشن کیمپ لگایا گیا ۔علاقہ بھر کے نوجوانوں نے خون کے عطیات دیئے۔ اس موقع پر ڈی ایس پی عمران عباس چدھڑ نے میڈیا سے گفتگو کرتے ہوئے کہا کہ بلڈ کیمپ کا مقصد تھلیسمیا کے مریضوں کو خون کے عطیہ فراہم کرنا اور ان کے ساتھ اظہار یکجہتی کرنا ہے خون کے عطیات تھیلیسمیا ، ہیمو فیلیا مر ض میں مبتلا بچوں کے لئے زندگی کی علامت ہیں ،قیمتی انسانی جانوں کو بچانے کے لئے خون کے عطیات انتہائی اہم اور ضروری ہیں اللہ تعالیٰ نے ایک انسان کی جان بچانے کو پوری انسانیت کی جان بچانے کے مترادف قرار دیا ہے سندس فائونڈیشن انسانی جانوں کو بچانے کے عظیم مشن پر کام کررہی ہے ۔ جماعت اہلسنت ضلع گوجرانوالہ کے ناظم اعلیٰ مولانا حافظ محمد رفیق قادری پولیس کے انتہائی محنتی ،فرض شناس آفیسر ڈی ایس پی عمران عباس چدھڑ اور سندس فانڈیشن کے بانی و چیرمین حاجی سرفراز کی ان کاوشوں کو سراہا جو وہ دکھی انسانیت کی خدمت کے سلسلہ میں کررہے ہیں ۔ اس موقع پر سندس فانڈیشن کے بانی و چیرمین حاجی سرفراز، صاحبزادہ حافظ ابوبکر رفیق، ملک منیب ،چوہدری شازب چٹھہ،ڈاکٹر احمد نورانی،یاسر شاہ ایڈووکیٹ،بلال ورک سب انسپکٹر ، سید اظہر حسین شاہ،عبدالرشید سندس فائونڈیشن کے عبدالعزیز باجوہ و دیگر بھی موجود تھے۔ آخر میں علاقہ بھر کے نوجوانوں کی تھلیسمیا کے مریضوں کے لئے خون کے عطیات کے لئے بھرپور کوشش کرنے اور بلڈ ڈونیٹ کرنے والوں کے لئے ناظم اعلی مولانا حافظ محمد رفیق نے خصوصی دعا بھی کی۔
کیپشن تصویر۔