گوجرانوالہ( سٹاف رپورٹر ) پاکستان سنی تحریک کے رکن مرکزی رابطہ کمیٹی محمد زاہد حبیب قادری، وسطی پنجاب کے صدر سردار محمد طاہر ڈوگر جنوبی پنجاب کے صدر ڈاکٹر عمران مصطفی نے اپنے ایک مشترکہ بیان میں کہا ہے کہ سیاسی کارکنان کی پکڑ دھکڑ گرفتاریاں تشدد اور ریاستی ظلم قابل مذمت ہے، آمریت نما جمہوریت کو کسی صورت بھی ملک میں نہیں چلایا جا سکتا نہ ہی یہ تجربہ کامیاب ہو سکتا ہے، انسانی حقوق کی کھلے عام خلاف ورزیاں ریاست اور ریاستی اداروں پر ایک سوالیہ نشان ہے، عام انتخابات کے نتیجے میں اکثریت حاصل کرنے کی ایک نام نہاد سیاسی جماعت کا دعوی جھوٹ کا پلندہ ہے، مخلوط اور متنجن پکی سیاسی جماعتوں کی مخلوط حکومت کمزور ثابت ہوگی ، سیاسی جماعتوں کا رویہ بتا رہا ہے کہ انہوں نے ماضی میں سیاسی عمل سے کچھ نہیں سیکھا، قائدین نے کہا کہ کامیابی حاصل کرنے والی جماعتیں ملک اور قوم کی بھلائی بہتری کے لیے کوئی معاشی سیاسی اور ریاستی منصوبہ عوامی پالیسیاں پیش کرنے میں ناکام ثابت ہوئی ہیں، تحریک لبیک پاکستان سمیت تمام سیاسی کارکنان کو فوری طور پر رہا کیا جائے اور ریاستی تشدد کا راستہ بند کیا جائے، جمہوری عمل کو آگے بڑھنے کے لیے ضروری ہے کہ تمام سیاسی جماعتیں مل بیٹھ کر اتفاق رائے سے سیاسی حکمت عملی اختیار کریں، سیاست کی بجائے سیاسی جماعتیں ریاست کے دفاع کے لیے اپنی انا کو چھوڑ کر ملک اور قوم کی بات کریں، پاکستان کو سیاسی معاشی اور امن و امان کی صورتحال کا سامنا ہے، مذہبی جماعتوں کے ووٹر سپورٹر اور نوجوان ووٹر سپورٹر کو لولی پاپ نہیں دیا جا سکتا، کراچی سمیت ملک بھر میں سیاسی لوٹ مار کا بازار گرم ہوا جس کی شدید الفاظ میں مذمت کرتے ہیں، نگران حکومت انگار، آگ اور خون کا کھیل کھیلنے کی کوشش مت کرے.