گوجرانوالہ( سٹاف رپورٹر) محکمہ واسا کے بااثر ناد ہندگان کی طرف سے واسا ہیڈ آفس پر حملہ توڑ پھوڑ ، افسران اور ملازمین پر تشدد کے خلاف واسا ملازمین نے آج دوسرے روز بھی کام چھوڑ اپنا احتجاج جاری رکھا،واسا ملازمین کی ہڑتال سے واسا کے تمام 30 ڈسپوزل اور 73 واٹر سپلائی موٹریں بند ہوجانے سے شہر کا سیوریج سسٹم بند ، گٹروں کا گندہ پانی جمع ہونے سے محلوں اور سڑکوں میں گٹروں کا گندہ پانی جمع ہوگیا ہے جس سے راہگیروں کو شدید مشکلات کا سامنا ۔ ملزمان کی گرفتاری تک ہڑتال جاری رہے گی ۔واسا یونین کے عہدیداروں کی پریس کانفرنس پرکرتے ہوئے شہریوں کو اعلیٰ حکام سے مسئلہ کو فوری حل کرنے کا مطالبہ کردیا ۔تفصیلات کے مطابق واسا ہیڈ آفس پر حملہ توڑ پھوڑ ، افسران اور ملازمین پر تشدد کرنے والے غنڈہ عناصر کو گرفتار نہ کرنے کے خلاف واسا ملازمین نے آج بھی کام چھوڑ اپنا احتجاج جاری رکھا ہوا ہے،تمام واسا ملازمین نے لیاقت پارک میں جمع ہوکر شدید نعرے بازی کی ، اس سلسلہ میں نیوواسا لیبر یونین سی بی اے کے سابق صدر جہانزیب ارشاد چٹھہ و دیگر عہدیداروں نے ایک پریس کانفرنس سے خطاب کرتے ہوئے اپنے اس عزم کا اظہار کیا کہ جب تک واسا آفس پر حملہ کرنے والے آئیڈیل سائنس بیس سکول فرید روڈ کے مالک احتشام جتالہ ،رضوان گل ایڈووکیٹ،محسن سبحانی ایڈووکیٹ،اشرف حیدری،شکیل انجم بھٹی،رئیس علی سندھو ایڈووکیٹ،شیخ طلحہ طاہر ایڈووکیٹ،ناصر ڈار ایڈووکیٹ،شہزاد سیالوی ایڈووکیٹ،احمر اعوان،ذیشان بیگ،رانا ماجد،ملک اسد اور دیگر 10نامعلوم غنڈہ عناصر کی گرفتاری نہیں ہوتی محکمہ واسا میں ہڑتال جاری رہے گی، جس کی تمام تر ذمہ داری انتظامیہ پر ہوگی ،انہوں نے کہا کہ اگر مذکورہ افراد کی گرفتاری یا وہ دفتر آکر اس واقعہ کی معافی نہیں مانگتے تو کل سے میونسپل کارپوریشن سی بی اے یونین،ایپکا گوجرانوالہ ،ڈی ایم ایز میں بھی اس ہڑتال میں شامل ہوجائیگی ۔اس موقع پر صدر سہیل سہوترا ،جنرل سیکرٹری رانا توقیر حسین،سینئر نائب صدر طارق وسیم ڈار و ،،چیئرمین ملک عباس بشیر، نیوواسا لیبر یونین کے چیف آرگنائزر عصمت اللہ بٹ،ایڈیشنل جنرل سیکرٹری عمران بٹ، ثاقب اشرف بٹڈپٹی جنرل سیکرٹری چاند سہوترا،وائس چیئرمین بابا مراد منہاس سنائب صدر عابد ہیرا،شفیق بٹ،ہارون کھوکھر،آصف بھٹی،آرگنائزر نوید سندھو،فنانس سیکرٹری قیصر کھوکھر،ڈاکٹر رفیق،ارشد سہوترا،شفیق مٹو،مدثر بٹ،احسن کھوکھر،زمرون شاکر ،ملک منیر بھی موجود تھے۔ علاوہ ازیں شہر میں سیوریج سسٹم بند ہونے اور گٹروں کا گندہ پانی جمع ہونے پر شہریوں کا بھی پارہ بھی ہائی ہو گیا ہے ،شہریوں کا کہنا ہے اگر ضلعی انتظامیہ اس مسلے کو فوری حل نہیں کرسکتی تو وہ افسران مستعفی ہوجائیں جو محکمہ واسا اور وکلاء کے درمیان اس واقعہ کے ذمہ داروں کو ایک ٹیبل پر بٹھا کر معافی تلافی سے ایشو کو ختم نہیں کرواسکتے ۔ واسا کے بااثر ناد ہندگان کی غنڈہ گردی اور واسا ملازمین کی ہڑتال نے پورے شہر کو عذاب میں مبتلا کردیا ہے۔