گوجرانوالہ( سٹاف رپورٹر)اقوام متحدہ اور عالم اسلام غزہ جنگ بندی پر عمل درآمد کروانے میں بری طرح سے ناکام ہوا ہے، فلسطین اور اسرائیل کی جنگ کسی خطے کی نہیں بلکہ اسلام اور کفر کی جنگ ہے، عالمی عدالت انصاف اسرائیلی وزیراعظم نیتن یاہوکے خلاف کاروائی کرے ۔اقوام متحدہ، او آئی سی،عرب لیگ، یورپی یونین اور انسانی حقوق کی عالمی تنظیمیں غزہ میں انسانی حقوق کی خلاف ورزیوں کا فوری نوٹس لیں۔قرانی تعلیمات قرآن کو پس پشت ڈال کر مسلمان پسپائی اور رسوائی کا شکار ہو رہے ہیں، مرزائی ختم نبوت کے منکر اور آئین پاکستان کے غدار ہیں، قادیانیوں کی پاکستان میں جاری منفی سرگرمیوں کا فوری نوٹس لیتے ہوئے ان کے خلاف قانونی کاروائی عمل میں لائی جائے، سیاسی اور معاشی بدحالی کا سبب ذاتی نفسا نفسی کا دور ہے، ان خیالات کا اظہار درگاہ شرقپور شریف کے سجادہ نشین صاحبزاد پیر میاں ولید احمد جواد، علامہ مفتی محمد اشرف قادری رضوی، مفتی احمد جصاص، علامہ ڈاکٹر محمد رمضان رضوی، پاکستان سنی تحریک کے صوبائی صدر شمالی پنجاب محمد زاہد حبیب قادری، مولانا محمد اکرم رضوی، محمد انشا شاہد بٹ، محمد دلشاد احمدشاد قادری محمد آفاق احمد قادری ، چودھری علی احمد مہر، محمد منیر احمد نقشبندی اور دیگر نے گزشتہ رات جامعہ حسینیہ رضویہ میں قرآن پاک حفظ کرنے والے طلباء کی دستار بندی کے موقع پر خطاب کرتے ہوئے کیا۔ محمد زاہد حبیب قادری نے مزید کہا کہ مرکزی نگران حکومت بلوچستان میں طوفانی بارشوں کے باعث ہونے والی تباہی اور جانی مالی نقصان کے ازالہ کے لیے بلوچ عوام کی فوری امداد کریں۔ اس موقع پر حافظ محمد مزمل افتخارحافظ محمد ریحان رضاحافظ محمد حیدر علی حافظ محمد سفیان بٹ حافظ محمدطلحہ حافظ محمد سبحان نعیم حافظ محمد نبیل دلشاد صاحبزادہ حافظ محمد حسام ذاہد قادری اور دیگر کی دستار بندی کی گئی۔