اسلام آباد(سٹا ف رپورٹر)اے این ایف کا منشیات اسمگلنگ کے خلاف کاروائیوں کا سلسلہ جاری،13 کاروائیوں کے دوران 63 کلو گرام سے زائد منشیات برآمد، 11 ملزمان گرفتارکرلئے گئے۔ملتان ایئرپورٹ پر دو کاروائیوں میں مسقط اور دبئی جانے والے دو مسافروں سے 1414 نشہ آور گولیاں برآمد،اسلام آباد ایئرپورٹ پر قطر جانے والے مسافر سے 996 گرام آئس برآمد،ملتان ایئرپورٹ پر دبئی جانے والے مسافر سے 920 ایکسٹیسی گولیاں برآمد،راولپنڈی کوریئر آفس میں برطانیہ سے بھیجے گئے پارسل سے 20 گرام ویڈ برآمد،خار بارڈر خیبر سے دو کاروائیوں میں 21 کلو چرس برآمد،زخہ خیل خیبر سے 11 کلو چرس برآمد،ترکی ٹول پلازہ سوہاوہ کے قریب دو ملزمان سے 8 کلو چرس برآمد،جوہر ٹاؤن لاہور میں ملزم سے 7 کلو چرس برآمد،خرادر کراچی کے قریب دو ملزمان سے 7 کلو چرس برآمد،دالبندین سے 3 کلو چرس، 2 کلو کرسٹل اور 1 کلو ممنوعہ مواد برآمد،شفیق موڑ کراچی کے قریب دو ملزمان سے 2 کلو آئس اور 300گرام ویڈ برآمد،گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔