گوجرانوالہ(کرائم رپورٹر)سنگدل خالہ نے بہن کے ساتھ جھگڑے اپنے تین بھانجیوں اور بھانجے کو اغوا کر لیا۔دو بچوں کو نہر میں پھینکنے کا اعتراف ، ایک بچی کی نعش مل گئی ،ڈیڑھ سالہ فرحان کی تلاش کیلئے ریسکیو آپریشن جا ری ہے۔ تفصیلات کے مطابق نوشہرہ روڈ کی رہائشی خا تون اپنے بچوں ساڑھے پا نچ سالہ سحر ساڑھے تین سالہ اسوہ اڑھا ئی سالہ بسمہ اور ڈیڑھ سالہ فرحان والدہ کے ہمراہ اپنے میکے نوشہرہ روڈ ریتانوالی گرائونڈ آئی ہو ئی تھی جہاں پر اسکا اپنی بہن نا زیہ کے ساتھ کسی بات پر جھگڑا ہو ااسی رنجش پر ملزمہ نازیہ بچوں کو گھر سے چیز دلوانے کے بہا نے گھر سے لیکر گئی بچوں کے اچانک غائب ہو نے پر انکے والد سفیان نے تھا نہ باغبا نپورہ پولیس کو اطلاع دی اور علاقہ کے سی سی ٹی وی کیمروں کی چیکنگ پرملزمہ کی بچوں کولیجانے کی سی سی ٹی وی فوٹیج سا منے آئی پولیس نے بچوں کے والد کی مدعیت میں پولیس نے اغوا کا مقدمہ درج کر کے ملزمہ کو حراست میں لے لیا ابتدائی تفتیش کے دوران ملزمہ نے دو بچوں کو نہر میں پھینکنے کا اعتراف کر لیاپولیس نے ملزمہ کی نشاندہی پر دو بچوں سحر اور اسوہ کو برآمدکروا کر والدین کے حوالے کر دیاریسکیو اہلکاروں نے سرچ آپریشن کے دوران ساڑھے تین سالہ بسمہ کی نعش کو نہر سے نکال لیا ہے ڈیرھ سالہ فرحان کی نعش کی تلاش کے لیے سرچ آپریشن جاری ہے۔