اسلام آباد(کرائم رپورٹر)مذہب کے لبادے میں ملبوس مذہبی بہروپیا اقبال میر انتظامیہ کی ملی بھگت اور مذہبی مرکز کی آڑ میں غیر قانونی تعمیرات اور قبضوں میں مصروف ،ایس ایس پی مسعود بنگش قبضہ مافیا کے سرغنہ اقبال میر کا سرپرست نکلا،تھانہ نون کا ایس ایچ او ملزم کی سہولت کاری کرنے لگا،متاثرین سراپا احتجاج، متاثرین کا مذہبی مرکز کے نام پر اقبال میر کی جانب سے بے ضابطگیوں اور گھپلوں کی تحقیقات کےلئے نیب ، اینٹی کرپشن اور ایف آئی اے سمیت متعلقہ اداروں سے فوری نوٹس کا مطالبہ،اسلام آبادکے علاقے نون اوربھڈانہ گاؤں کے رہائشی متاثرین سید توقیر عباس، اسلم خان، نثار احمد ،ملک عمران،ارسلان ایاز اور عید الرحمان خان نے نیشنل پریس کلب اسلام آباد میں پریس کانفرنس کرتے ہوئے میڈیا کو بتایا کہ اسلام آباد کے نواحی قصبہ نون میں مذہبی مرکزابوالقاسم کے نام پرتبلیغی ٹرسٹ بنا ہوا ہے،جبکہ ایک مذہبی بہروپیا اقبال میر غریب لوگوں کی زمینیں ہتھیا کر کمرشل پلاٹنگ کرنے والا لوگوں کی اراضی پر قبضہ کر کے ان کو دھمکا رہا ہے،اقبال میر نے کوہاٹ کے شہری شاہد خان کی 14کنال اراضی پر پولیس کی سرپرستی میں قبضہ کر لیا ہےجبکہ تھانہ نون کا ایس ایچ او اشفاق ورائچمتاثرین کا ساتھ دینے کے بجائےالٹا احتجاج کرنے پر زمین مالکان پرہی پرچہ کرنے لگا ہے،پولیس عدالتی حکم کے بغیر کسی کو بھی زمین کا قبضہ نہیں دلوا سکتی،مگر ایس ایچ او تھانہ نون خود موقع پر کھڑا ہو کر قبضہ کروانے میں ملوث ہے جس کے تمام ویڈیو ثبوت ہمارے پاس موجود ہیں،ایس ایس پی مسعود بنگش نے دادرسی کے لئے آنے والے متاثرین کے خلاف سرکاری دفتر اور عہدے کا ناجائز استعمال کرتے ہوئے ایف آئی آر درج کروادی ،متاثرین سراپا احتجاج، مبینہ طور پر ایس ایس پی مسعود بنگش کی پشت پناہی سے اقبال میر کروڑوں کی کرپشن میں ملوث ہونے کے سینکڑوں ثبوت موجود ہیں،با اثرملزم انتظامیہ کی ملی بھگت اور مذہبی مرکز کا کی آڑ میں غیر قانونی تعمیرات اور قبضوں میں مصروف ہے جبکہ مقامی انتظامیہ نے ظلم کے خلاف اپنی آنکھیں بند کرلیں، متاثرین نے کہا کہ انہیں ابوالقاسم ٹرسٹ یا تبلیغی جماعت سے کوئی شکایت نہیں ہے، مگر مذہب کی آڑ لیکر اقبال میر نامی ایک بہروپیا نہ صرف دین بلکہ تبلیغی جماعت کی بدنامی کا باعث بن رہاہے اور مبینہ طور پر مذہبی مرکز کے لئے رعائتی نرخوں پر زمین لے کر کمرشل پلاٹنگ کرکے اسے فروخت کررہاہے،عدالت کی طرف سے مقرر کئے جانے والے بیلف کی رپورٹ میں بھی پولیس کی ملزمان کیلئے سہولت کاری قبضہ کروانے میں ملوث ہونے کا ذکر کیا گیا ہے،متاثرین نے مذہبی مرکز کے نام پر اقبال میر کی جانب سے بے ضابطگیوں اور گھپلوں کی تحقیقات کےلئے نیب ، اینٹی کرپشن اور ایف آئی اے سمیت متعلقہ اداروں سے فوری نوٹس لینےاورمطالبات پورے نہ ہونے کی صوت میں اسمبلی اجلاس کے دوران شاہراہ دستور پر احتجاج کی دھمکی دی ہے ، مزید براںمتاثرین نے احتجاجا”کشمیر ہائی وے بلاک کرکے ایس پی مسعود بنگش، اقبال میر اور ایس ایچ او اشفاق وڑائچ کے خلاف نعرے لگاتے ہوئے اپنی اراضی واگذار کرانے کا مطالبہ کیا ۔