اسلام آباد (آئی ایم ایم)آئی جی اسلام آباد سید علی ناصر رضوی کی زیر صدارت اعلی سطحی اجلاس۔اسلام آباد پولیس کا محرم الحرام کے لئے خصوصی سکیورٹی پلان تشکیل.ڈی آئی جی اسلام آباد سید علی رضا نے خصوصی سکیورٹی پلان تشکیل دیا۔ اسلام آباد میں یکم محرم الحرام سے02ربیع الاول تک 181جلوس اور965 مجالس کا انعقاد ہوگا۔یکم محرم سے 2 ربیع الاول تک 16ہزار سے زائد افسران سکیورٹی کے فرائض منصبی سر انجام دیں گے۔سکیورٹی پلان سے قبل تمام مکاتب فکر کے علماءو مشائخ،ممبران امن کمیٹی اور دانشوروں سے ملاقاتیں کی گئیں۔
سکیورٹی ڈیوٹی پر اسلام آباد پولیس،پاکستان رینجرز کے 16ہزار سے زائد افسران تعینات۔شہر بھر کے داخلی اور خارجی راستوں پرسخت چیکنگ کی جائے گی۔جلوسوں کی سیف سٹی کیمروں کے ذریعے نگرانی کی جائے گی۔مجالس اور جلوسوں کے دوران چھتوں پر مسلح پولیس اہلکار ڈیوٹیاں سرانجام دیں گے۔پولیس کی بکتر بند گاڑیاں خصوصی طور پر کسی بھی ناگہانی صورتحال سے نمٹنے کے لیے موجود رہیں گی۔مجالس اور جلوسوں کے لئے وقت کی پابندی کا خاص خیال رکھا جائے گا۔جلوس کے راستے میں آنے والے تمام چھوٹے بڑے راستوں اور گلیوں کو خاردار تار لگا کربند کیا جائیگا۔جلوس شروع ہونے سے قبل جلوس کے روٹ کی ا سپیشل چیکنگ کی جائے گی اور جلوس کے روٹ کوبم ڈسپوزل سکواڈکلیئر کرےگی۔
تمام مجالس اور جلوسوں کی ڈرون کیمروں کے ذریعے ویڈیو ریکارڈنگ کی جائےگی۔مقامی و غیر مقامی افراد کو مکمل تلاشی کے بعد جلوس میں داخلے کی اجازت ہوگی۔جلوس میں گاڑیوں اور موٹرسائیکلوں کے داخلے پر مکمل پابندی ہوگی۔مجلس اور جلوس میں شامل ہونے والے عزاداروں کومیٹل ڈیٹیکٹرسے چیک کیا جائے گا۔داخلی اور خارجی راستوں پر واک تھرو گیٹ نصب کیے جائیں گے۔جلوس کے راستے میں زیر تعمیر عمارتوں پر خصوصی نظر رکھی جائیگی۔مجالس اور جلوسوں میں روشنی کے خاطر خواہ انتظامات کیے جائیں گے۔ اسلام آبادپولیس محرم الحرام میں بھی اپنے پیشہ ورانہ فرائض بھر پور ذمہ داری اور جذبہ سے سرانجام دے گی۔
