ایف آئی اے امیگریشن کی سیالکوٹ ائرپورٹ پر بڑی کاروائی.جعلی سفری دستاویزات پر بیرون ملک جانے کی کوشش ناکام – 3 مسافروں کو آف لوڈ کر دیا گیا. جعلی سفری دستاویزات پر بیرون ملک جانے والے 3 مسافروں کو آف لوڈ کر دیا گیا

ملزمان فلائٹ نمبر PK179 کے ذریعے آزر بائیجان جا رہے تھے.ملزمان کی شناخت ذیشان قیصر، ابوبکر اور نوید سرور کے نام سے ہوئی.ملزم ذیشان قیصر کو امیگریشن کلیئرنس کے دوران مشکوک پایا گیا.ملزم کی تلاشی کے دوران اس کے قبضے سے البانیہ کا جعلی ویزہ برآمد ہوا.ابتدائی تفتیش کے مطابق ملزم نے احسن علی نامی ایجنٹ سے 25 لاکھ کے عوض آذربائجان اور البانیہ کا جعلی ویزہ حاصل کیا.

ملزم ابوبکر یعقوب نے بھی مذکورہ ایجنٹ احسن علی بٹ سے 15 لاکھ روپے کے عوض اٹلی کا جعلی ورک ویزہ حاصل کیا.جبکہ ملزم نوید سرور مذکورہ ملزمان کے ساتھ سب ایجنٹ کے طور پر سفر کر رہا ہے.ملزم نوید سرور نے مذکورہ بالا ملزمان کے آذربائیجان کے لیے ٹکٹ بک کیے.گرفتار ملزمان کو بعد ازاں مزید قانونی کاروائی کے لئے اینٹی ہیومن ٹریفکنگ سرکل گوجرانوالہ منتقل کر دیا گیا۔ایجنٹ کی گرفتاری کے لئے چھاپہ مار ٹیمیں تشکیل دے دی گئی,مزید تفتیش جاری ہے.