گوجرانوالہ( بیورو رپورٹ )وزیر اعلی پنجاب مریم نواز شریف کی خصوصی ہدایات واسا گوجرانوالہ متحرک نکاسی آب آپریشن جاری،کمشنر گجرانوالہ ڈویژن سید نوید حیدر شیرازی نے بارش کے فوری بعد گوجرانولہ کے مختلف مقامات مون سون ایمر جنسی کیمپس کا دورہ کیا اور واسا سٹاف اور ڈیوٹی کو چیک کیا اور بارش کے پانی کی فوری نکاسی کے انتظامات کو چیک کیا جس میں تمام انڈر پاس کو فی الفور کلیئر کرنے کے احکامات جاری کیے اور ایم ڈی واسا اور ایکسیئن واسا کو الرٹ رہنے اور انتظامات کو وقتا فوقتا چیک کرنے کی ہدایت بھی کی۔

اس موقع پر ایم ڈی واسا کاشان حفیظ بٹ نے بتایا کہ واسا نکاسی آب آپریشن کی لمحہ بہ لمحہ مانیٹرنگ کر رہے ہیں،تمام ڈسپوزل اسٹیشنز کو فل کپیسٹی پر چلانے کی ہدایات کی گئی ہے ۔انہوں نے تمام ہیوی مشینری کو زیر استعمال لاتے ہوئے شہر بھر کو جلد از جلد کلیئر کرنے کی ہدایات دیں ہیں۔ انہوں نے کہا کہ تمام ڈسپوزل اسٹیشنز اور مشینری کو فعال رکھا جا رہا ہے تاکہ نشیبی علاقوں کو جلد از جلد کلیئر کیا جائے۔