گوجرانوالہ (آئی ایم ایم)سینئر رہنما پاکستان پیپلزپارٹی/سابق امیدوار ایم این اے NA78/چیئرمین جی ڈی اے CBA/چیئرمین اتھارٹیز لیبر فیڈریشن پنجاب طارق محمود مغل نے کہا ہے کہ نواسہ رسول جگرگوشہ رسول حضرت امام حسین کی زندگی تمام مسلمانوں کے لیے مشعل راہ ہے سانحہ کربلا سے اسلام کے لئے جینے اور مرنے کا درس ملتا ہے۔ اسلام دشمن طاقتیں حسینی جذبے کا مقابلہ نہیں کر سکتیں۔ مسلم نوجوان حسینی جذبوں سے سرشار ہو کر ہر باطل قوت کے سامنے سینہ سپر ہو جائیں۔ حسینیت سرخروئی اور یزیدیت رسوائی کی علامت ہے۔ امام عالی مقام حضرت امام حسین جنتی نوجوانوں کے سردار ہیں۔ ظالم کی مخالفت اور مظلوم کی حمایت کرنا ہی پیغام حسین ہے۔ حضرت امام حسین اور خلفا راشدین کی حقیقی تعلیمات کو تعلیمی نصاب کا حصہ بنایا جائے۔انہوں نے کہا کہ سیدنا امام حسین نے انسانیت اور اسلام کی بقا کیلئے قربانی دی۔حضرت امام حسین نے اپنا تن من دھن مال و دولت سب کچھ اللہ کے دین کی سربلندی کے لیے قربان کردیااوراپنی اور خاندان کی شہادت پیش کر کے اپنے نانا کے دین کی حفاظت کی ۔آپ کا کردار ہمیں آپس میں متحد ہوکر اسلام کے درخشندہ اسولوں کی پابندی اور پاسداری کرنے اور نفاق اور انتشار سے بچ کر ملت واحدہ بننے کی ترغیب دیتا ہے۔انہوں نے کہا کہ موجودہ میں کردار حسینی کو اپنانے کی شدید ضرورت ہے۔ غلبہ اسلام کے لیے باطل قوتوں کے خلاف برسرپیکاررہنا اور مسلمانوں کے خلاف کھلی جارحیت کا ڈٹ کر مقابلہ کرنا ہی پیغام کربلا ہے ،مزیدانہوں نے کہا کہ عالم کفر سے مقابلہ کرنے کے لیے جذبہ حسینی کو اپنانے کی ضرورت ہے۔ حضرت امام حسین رضی اللہ عنہ نے اسلام کی سربلندی کے لیے اپنا سب کچھ قربان کردیا قیام امن وسلامتی اور غلبہ حق کے لیے جدوجہد کرنا ہی درس کربلا ہے۔