گوجرانوالہ( آئی ایم ایم)ممتاز مذہبی اسکالر پروفیسر حافظ محمد اعظم نوری نے کہا ہے کہ ایمان کی پختگی اور اللہ تعالی کی خوشنودی حاصل کرنے کے لئے حج کی ادائیگی ضروری ہے۔ حج بیت اللہ کی سعادت حاصل کرنا خوش نصیبی ہے اور وہی حجاز مقدس کو جاتا ہے جسے وہاں سے بلاوہ آتا ہے،خوش نصیب ہیں جو اللہ کے گھر اور در مصطفی کو جاتے ہیں ۔
ان خیالات کا اظہار انہوں نے حج کی سعادت حاصل کرنے کے بعد واپسی پر استقبال کرنے والے معززین سے بات چیت کرتے ہوئے کیا۔ اس موقع پر پروفیسر حافظ راناحماد محمود ایڈووکیٹ و دیگر نے حج کی سعادت حاصل کرنے پر پروفیسر حافظ محمد اعظم نوری ،ممتاز سماجی شخصیت رانا محمد ادریس خاں رجاس گروپ والے اور رانا ڈاکٹر محمد جنید خاں ایڈوکیٹ کوپھولوں کے ہار پہنائے اور پھولوں کے گلدستے بھی پیش کئے ۔اس موقع پر صاحبزادہ حافظ مہر عدیل عارف مہر ایڈ ووکیٹ وممبر امن کمیٹی ممتاز قانون دان چوہدری حق نواز ہنجرا ایڈووکیٹ ،حافظ رانا محمد سمیدالرحمان خاں ایڈوکیٹ،حافظ عمر فاروق سید اویس شاہ راجہ احمد محمد عمیر اسلم ایڈووکیٹ،مولانا حافظ محمد اویس سرور قادری و دیگر شخصیات بھی موجود تھیں۔
پروفیسر حافظ محمد اعظم نوری نے حج کی مبارک باد وصول کرتے ہوئے اور رانا محمد ادریس خاں اور رانا محمد جنید خاں ایڈوکیٹ کو حج کی مبارک باد دیتے ہوئے کہا کہ بیت اللہ اور مدینہ منورہ کی حاضری بہت بڑی سعادت ہے مگر ذائرین کو چاہیئے کہ حج کی ادائیگی کے بعد ان کی زندگیوں میں عملی طور پر ضرور تبدیلی آنی چا ہیئے کیونکہ اللہ رسولۖ کی اطاعت ہی میں ہماری دنیا اور آخرت میں کامیابی ہوگی۔ آخر میں پروفیسر حافظ محمد اعظم نوری نے وطن عزیز کی سالمیت اور بقا کے لئے خصوصی دعا کی۔
