دل اور اس سے متعلق بیماریوں سے بچاؤ کے لیے ہمیں صحت مند طرز زندگی اپنانا ہو گا۔ ثناہء اللہ گھمن

مری(آئی ایم ایم) پاکستان میں دل اور دیگر غیر متعدی بیماریوں میں بہت تیزی سے اضافہ ہو رہا ہے۔ چالیس فیصد سے زیادہ بالغ پاکستانی موٹاپے کا شکار ہیں۔ دل کی بیماریوں سے پاکستان میں ہر ڈیڑھ منٹ کے بعد ایک شخص زندگی کی بازی ہار جاتا ہے۔ ان بیماریوں کی ایک بڑی وجہ ہمارا غیر صحت بخش طرز زندگی ہے۔ دل کی بیماریوں سے بچاؤ کے لیے باقاعدگی سے پیدل چلنا، ایکسرسائز، چکنائی، نمک، اور چینی سے بنی ہو ئی اشیاء اور تمباکو نوشی سے پرہیز بہت ضروری ہے۔ ان بیماریوں میں خوراک کا کردار بہت اہم ہے جیسے میٹھے کا زیادہ استعمال ان بیماریوں کی بڑی وجوہات میں سے ایک ہے اور میٹھے کا سب سے زیادہ استعمال میٹھے مشروبات کی صورت میں ہوتا ہے جس کے ایک چھوٹے گلاس میں 7سے9چمچ چینی موجود ہوتی ہے۔ میٹھے مشروبات کا استعمال دل، زیابیطس، گردوں کے امراض، موٹاپے، مختلف طرح کے کینسر اور دیگر غیر متعدی امراض کی بڑی وجوہات میں سے ایک ہے۔ یہ بات ماہرین صحت نے پناہ کے زیراہتمام مری میں ہونے والی سالانہ واک کے موقع پر کئی۔ مہانوں میں پناہ کے ایگزیکٹو سینئر وائس پریذیڈنٹ ڈاکٹر عبدالقیوم اعوان،کرنل ڈاکٹر شکیل احمد مرزا،سکاڈرن لیڈر (ر) غلام عباس سیکریٹری جنرل کڈنی پیشنٹس ویلفیئر ایسوسی ایشن،سابق کمشنر ایف۔بی۔آر عبد ا لحفیظ، مس شکیلہ صابر،سابقہ ایم پی اے مس تحسین فواد کے علاوہ سینئر صحافیوں، صحت کے مائرین، اساتذہ، طلباء اور معاشرے کے مختلف طبقات کی کثیر تعداد نے شرکت کی۔ پناہ کے سیکریٹری جنرل ثناء اللہ گھمن نے تقریب کی میزبانی کی۔

ڈاکٹر عبدالقیوم اعوان نے کہا کہ دل اور دیگر غیر متعدی بیماریوں میں اضافے کی ایک بڑی وجہ خوراک کے حوالے سے ہمارے غیر محتاط رویے بھی ہیں۔ ان میں تلی ہوئی اشیاء، نمک اور چینی کا زیادہ استعمال شامل ہے۔ چینی کے بہت زیادہ استعمال کی وجہ سے پاکستان اس وقت زیابیطس کے تیزی سے پھیلاؤ میں دنیا میں پہلے نمبر پر آ چکا ہے۔ ہمیں صحت مند طرز زندگی اپنا کر ان بیماریوں میں کمی لانا ہو گی۔ ماؤں کو اپنے بچوں کی صحت کے لیے ان کی خوراک پر خصوصی توجہ دینا ہو گی۔
کرنل ڈاکٹر شکیل احمد مرزانے کہا کہ عوام کی صحت حکومت کی اولین ترجیحات ہونی چاہیے۔ پناہ حکومت کے ساتھ مل کر اپنے ملک کے مستقبل یعنی بچوں کی صحت کے لیے قابل قدر خدمات سر انجام دے رہا ہے۔ صحت مند طرز ِزندگی جس میں پیدل چلنا، ریگولر ایکسرسائز، پھلوں اور سبزیوں کا زیادہ استعمال اور تمباکو نوشی سے پرہیز سے ہی ان بیماریوں سے بچا جا سکتا ہے۔

کمشنر (ر) عبد الحفیظ نے کہا کہ پناہ زیابیطس، دل اور دیگر غیر متعدی امراض سے اپنے ہم وطنوں بلخصوص اپنی نوجوان نسل کو بچانے کے گزشتہ 4دہائیوں سے کوشاں ہے۔ ہم واکس، سیمینارز، کانفرنسز سے لوگوں کو ان بیماریوں سے بچنے کی آگائی دے رہے ہیں۔ انہوں نے مزید کہا کہ حکومت اس وقت مالیات کی کمی کا شکار ہے اور محصولات پیدا کرنے کے لیے مختلف آپشنز پر غور کر رہی ہے۔ دوسری طرف، پاکستان میں این سی ڈیز میں خطرناک حد تک اضافہ ہو رہا ہے، اور این سی ڈی کی بڑی وجوہات میں غیر صحت مند کھانوں کا بہت بڑا کرادار ہے۔ان غیر ضروری اشیاء پر ٹیکس لگا کر بیماریوں پر کافی حد تک قابو پایا جاسکتا ہے۔
سکاڈرن لیڈر (ر) غلام عباس نے کہا کہ ہمیں اپنے بچوں اور نوجوانوں کو جو قوم کا مستقبل ہیں کو ایک صحت مند زندگی کی جانب مائل کرنا ہوگا۔ والدین کو یقینی بنانا ہو گا کہ ان کے بچے زیادہ دیر تک موبائل اور کمپیوٹر کے استعمال کی بجائے جسمانی کھیلوں میں حصہ لیں۔ صحت مند غذاء بچوں کا بنیادی حق ہے۔ اس سے لاپروائی کی قیمت بچوں میں بہت سی بیماریوں کی صورت میں بھگتنا پڑتی ہے اس لیے اپنے بچوں کی خوراک کا درست انتخاب والدین کی اولین ترجیع ہونا چاہیے۔
ثناء اللہ گھمن نے کہا کہ پناہ پچھلے چالیس سال سے اپنے ہم وطنوں کو دل اور اس سے متعلقہ امراض سے بچانے کے لیے ہر فورم پر کوشاں ہے۔ ہم پالیسی ساز اداروں کے ساتھ مل کر ا یسی پالیسیز بنوانے کے لیے کام کر رہے ہیں جن سے ان مضر صحت اشیاء کے استعمال میں کمی آئے۔ پناہ کسی بھی مسئلے کے حل کے لیے مل کر کام کرنے پر یقین رکھتی ہے۔ اس لیے پناہ حکو مت، سول سوسائٹی، میڈیا، علماء، یوتھ اور اساتذہ کے ساتھ مل کر کام کرتی ہے۔ انہوں نے کہا کہ پناہ کی آج بتیسویں سالانہ واک ہے۔ ہم اس واک کے زریعے اپنی قوم کو کہ پیغام دینا چاہتے ہیں کہ دل اور دیگر غیر متعدی بیماریوں سے بچنے کا حل ایک یہ بھی ہے کہ ہم زیادہ سے زیادہ پیدل چلیں، تمباکو نوشی سے مکمل پرہیز کریں اور اپنے کھانوں میں پھلوں اور سبزیوں کا استعمال زیادہ کریں۔
دیگر مقررین نے بھی بیماریوں سے بچاؤ کے لیے صحت مند طرز ندگی کی اہمیت پر زور دیا۔

تازہ ترین

September 20, 2024

سینیٹ خارجہ امور کمیٹی کی بیرون ملک پاکستانی قیدیوں کے اہل خانہ کے لیے سہولت ڈیسک کے قیام کی  تجویز

September 20, 2024

اسلام آباد ٹریفک پولیس کےآگاہی ونگ کی جانب سے طالبات کی کیلئے اسلام آباد ماڈل کالج فار گرلز G-8 میںایک روزہ روڈ سیفٹی ورکشاپ کا انعقاد

September 20, 2024

‏ڈی آئی جی اسلام آباد سید علی رضا کی زیر صدارت کرائم کے حوالے سے سواں زون کے افسران سے اہم اجلاس۔

September 20, 2024

امیر جماعت اسلامی حافظ نعیم الرحمن سے سابق صدر و رہنما پی ٹی آئی ڈاکٹر عارف علوی نے منصورہ میں ملاقات کی

September 20, 2024

میاں محمد اسلم کا ملک گیر ممبر سازی مہم کے سلسلے میں اسلام آباد کی یونین کونسل آئی ٹین کے دورہ

ویڈیو

December 14, 2023

انیق احمد سےعراقی سفیر حامد عباس لفتہ کی ملاقات، دوطرفہ تعلقات سمیت مختلف شعبوں میں تعاون بڑھانے پر اتفاق

December 8, 2023

اسلام آباد، ورکرز ویلفیئر فنڈز کی جانب سے پریس بریفنگ کااہتمام

October 7, 2023

افتخار درانی کے وکیل کی تحریک انصاف کے رہنما کی بازیابی کے حوالے سے گفتگو

October 7, 2023

افغان وزیرخارجہ کا بلاول بھٹو نے استقبال کیا

October 7, 2023

پشاور میں سینکڑوں افراد بجلی بلوں میں اضافے پر سڑکوں پر نکل آئی

کالم

September 17, 2024

اے ٹی ایم آئی ایس سے نئے امن مشن میں منتقلی کو درپیش چیلنجز ،ایتھوپیا کا نقطہ نظر

August 20, 2024

ایتھو پیا،سیاحت کے عالمی افق پر ابھرتا ہوا ستارہ

August 6, 2024

ٹریفک کا نظام

June 26, 2024

شادی کا فیصلہ کامیاب، ازدواجی زندگی اور مرد کا کردار

June 21, 2024

گورنر سندھ نے ایک بار پھر تاریخ رقم کردی