گوجرانوالہ(حافظ عبدالجبار)عشرہ محرم الحرام بعافیت گزر جانے پر اطمینان کا اظہار کرتے ہوئے اللہ پاک کی بارگاہ میں سراپا تشکر ہوں، مرکزی جامع مسجد شیرانوالہ باغ میں ممبران امن کمیٹی کے اعزاز میں پرتکلف عشائیہ کے موقع پر گفتگو کرتے ہوئے شیخ الحدیث حضرت مولانا علامہ زاہد الراشدی نے کہا ہے کہ امن و امان اور مسلکی راواداری کے لئے محنت کرنے والے تمام اداروں اور شخصیات بالخصوص نوید حیدر شیرازی کمشنر گوجرانوالہ ڈویژن، محمد طیب حفیظ چیمہ آر پی او گوجرانوالہ ریجن، محمد طارق قریشی ڈپٹی کمشنر گوجرانوالہ، ایاز سلیم رانا سی پی او گوجرانوالہ، و متعلقہ افسران، امن کمیٹی کے زمہ دار حضرات اور تعاون کرنے والے تمام دوستوں بالخصوص مولانا پروفیسر محمد سعید احمد کلیروی، حاجی محمد بابر رضوان باجوہ، مولانا جواد محمود قاسمی، مفتی محمد اسلم طارق،مولانا سعید احمد صدیقی، سید علی رضا شاہ، حافظ عبدالجبار ودیگر احباب کا شکریہ ادا کرتا ہوں.
اجلاس میں حاجی محمد بابر رضوان باجوہ، مولانا جواد محمود قاسمی، مولانا سعید احمد صدیقی، مولانا حافظ امجد محمود معاویہ،حافظ عبدالجبار، محمد بن جمیل، عبدالقادر عثمان ودیگرکی شرکت، مزید انہوں نے کہا کہ اللہ پاک ہم سب کو اسی طرح اپنے اپنے مسلک پر کار بند رہتے ہوئے، ملکی سلامتی، قومی وحدت اور امن و امان کے بہتر سے بہتر ماحول کے لئے جدو جہد کرتے رہنے کی توفیق سے نوازیں، وطن عزیز کی سلامتی وحدت اور استحکام کی حفاظت فرمائیں اور ہم سب کو وطن عزیز کی صحیح معنوں میں اسلامی جمہوریہ پاکستان کی حقیقی منزل تک پہنچانے کے لئے پرخلوص محنت کی توفیق سے بہرہ ور کریں آمین یارب العالمین۔
