اسلام آباد(آئی ایم ایم)ایف آئی اے ہیڈکوارٹرز اسلام آباد میں اعلیٰ سطحی کا اجلاس ہوا.ڈائریکٹر جنرل ایف آئی اے احمد اسحاق جہانگیر کی زیر صدارت ایف آئی اے ہیڈکوارٹرز میں اعلیٰ سطحی اجلاس.اجلاس میں ایڈیشنل ڈائریکٹر جنرل ، ڈائریکٹرز اور دیگر اعلیٰ افسران کی شرکت.ڈی جی ایف آئی اے کو حوالہ ہنڈی کریک ڈاون پر بریفننگ دی گئی.رواں سال کے دوران حوالہ ہنڈی اور کرنسی کی غیر قانونی ایکسچینج میں ملوث عناصر کے خلاف 459 چھاپہ مار کاروائیاں کیں.

بریفنگ میں تفصیل سے بتایا گیا کہ 468 مقدمات درج کر کے 566 ملزمان کو گرفتار کیا گیا۔ رواں سال کے دوران 80 انکوئریوں کی تفتیش بھی مکمل کی گئی۔ رواں سال کے دوران پشاور زون نے 211, لاہور زون نے 79, کوہاٹ زون نے 27 گجرانوالہ زون نے 60, فیصل آباد زون نے 45, ملتان زون نے 36 ملزمان کو گرفتار کیا۔ اسلام آباد زون نے 8, کراچی زون نے 48, حیدرآباد زون نے 25 اور بلوچستان زون نے 27 ملزمان کو گرفتار کیا۔ چھاپوں کے دوران مجموعی طور پر 1 ارب روپے سے زائد مالیت کی ملکی و غیر ملکی کرنسی برآمد کی گئی۔ برآمد کی گئی کرنسی میں 525055 امریکی ڈالر، 19 کروڑ 37 لاکھ روپے سے زائد مالیت کی دیگر غیر ملکی کرنسی شامل۔ برآمد کی گئی کرنسی میں 72 کروڑ 11 لاکھ سے زائد پاکستانی روپے بھی شامل۔ ملک گیر چھاپوں کے دوران متعدد دکانوں کو بھی سیل کیا گیا۔ ملزمان کی گرفتاری کے لئے قانون نافذ کرنے والے اداروں کی معاونت بھی حاصل کی گئی۔

ڈی جی ایف آئی اے احمد اسحاق جہانگیر نے کہا ہے کہ حوالہ ہنڈی میں ملوث ملزمان کی گرفتاری کے لئے تمام تر وسائل کو بروئے کار لایا جارہا ہے۔غیر ملکی کرنسی کی سمگلنگ میں ملوث عناصر کے خلاف ٹھوس شواہد کی روشنی میں قرار واقعی سزائیں دلوائی جائیں۔غیر قانونی کرنسی کی خریدوفروخت میں ملوث بین الاقوامی ایجنٹوں کے خلاف بھی گھیرا تنگ کیا جائے۔بیرون ملک سے حوالہ ہنڈی کا نیٹ ورک چلانے والے ملزمان کے انٹرپول کی مدد سے ریڈ نوٹسسز جاری کروائے جائیں۔ملزمان کے پاسپورٹس بلیک لسٹ کئے جائیں۔