نااہلی فیصلہ معطل ہونے سے سزا ختم نہیں ہوتی، سپریم کورٹ

سپریم کورٹ آف پاکستان نے الیکشن کمیشن کے خلاف توہین عدالت کی درخواست مقرر کرنے کا عندیہ دے دیا۔

قائم مقام چیف جسٹس سرداری طارق مسعود کی سربراہی میں دو رکنی بینچ نے عمران خان کے خلاف توشہ خانہ کیس سے متعلق پی ٹی آئی درخواست پر سماعت کی۔

جسٹس طارق مسعود نے کہا کہ توشہ خانہ نااہلی درخواست سپریم کورٹ میں دائر نہیں ہوئی، البتہ الیکشن کمیشن کے خلاف توہین عدالت کی درخواست پر چیمبر میں جاکر فیصلہ کریں گے۔

توشہ خانہ کیس کو کم از کم تین رکنی بنچ کو سننا چاہیے، قائم مقام چیف جسٹس

وکیل شہباز کھوسہ نے روسٹرم پر آکر عدالت سے استدعا کی کہ نااہلی درخواست، تین رکنی بنچ کے سامنے مقررکردیں، اس پر جسٹس طارق مسعود نے کہا کہ اسلام آباد میں صرف دو ہی ججز دستیاب ہیں لیکن توشہ خانہ کیس کو کم از کم تین رکنی بنچ کو سننا چاہیے۔

نااہلی سے متعلق فیصلہ معطل ہونے سے سزا ختم ہونے کی کوئی عدالتی نظیرنہیں، سپریم کورٹ

سپریم کورٹ نے کہا کہ اس ہفتے توشہ خانہ نااہلی کیس کی سماعت ممکن نہیں، البتہ نااہلی سے متعلق فیصلہ معطل ہونے سے سزا ختم ہونے کی کوئی عدالتی نظیرنہیں ہے۔

شہباز کھوسہ کا ککہنا تھا کہ عدالتی نظیریں موجود ہیں جب مخدوم جاوید ہاشمی کے خلاف فیصلے کے ساتھ سزا بھی ختم کی گئی تھی، پوری قوم اس کیس کو دیکھ رہی ہے۔

آپ ایسی درخواست لے کر آگئے جس کی مثال پاکستان کی تاریخ میں نہیں ملتی، جسٹس اطہر

اس موقع پر جسٹس اطہر من اللہ نے ریمارکس دیے کہ آپ ایسی درخواست لے کر آگئے جس کی مثال پاکستان کی تاریخ میں نہیں ملتی، آپ کی درخواست کو دورکنی بنچ صرف خارج کرسکتا ہے، کردیں؟

قائم مقام چیف جسٹس نے کہا کہ دو رکنی بنچ آپ کوعبوری ریلیف بھی نہیں دے سکتا کیونکہ ہائی کورٹ میں ڈویژن بنچ کا فیصلہ ہے، کیا پتا یہ کیس اہم نکات پر ہو اوراس کی سماعت پانچ رکنی بنچ کرے، ویسے اگلے ہفتے قاضی صاحب بھی آجائیں گے۔

پی ٹی آئی وکیل نے کہا کہ عدالت ججز بلا کر ابھی بھی بنچ بنا سکتی ہے، اس پر جسٹس سردار طارق مسعود نے جواب دیا کہ ججز یہاں دستیاب نہیں آپ بتا دیں کس کو بٹھا کر سماعت کریں؟بعد ازاں ججز کمرہ عدالت سے اٹھ کر چلے گئے۔

واضح رہے کہ گزشتہ دنوں اسلام آباد ہائیکورٹ کے دو رکنی بینچ نے توشہ خانہ کیس کا فیصلہ معطل کرنے کی درخواست ناقابل سماعت قرار دے کر خارج کردی تھی۔

بانی پی ٹی آئی عمران خان کی طرف سے توشہ خانہ کیس کے فیصلے کے تناظر میں ہونے والی کارروائیوں کو روکنے کی استدعا کی گئی تھی۔

تازہ ترین

September 19, 2024

وفاقی وزیر برائے امور کشمیر، گلگت بلتستان و سیفران انجینئر امیر مقام کا سہراب گوٹ کراچی میں اربن کوہیشن ہب میں افغان اور پاکستانی کمیونٹی سے خطاب

September 19, 2024

قومی زرعی تحقیقاتی کونسل (PARC)اسلام آباد میں سیرت النبی صلی اللہ علیہ وآلہ واصحابہ وسلم سیمینار کا انعقاد

September 18, 2024

کشمیر ، فلسطین اور دیگر خطوں میں مسلمانوں کے ساتھ ناانصافی اور زیادتیاں ہو رہی ہیں،سید یوسف رضا گیلانی

September 18, 2024

ترکمانستان کے سفیر نے وفاقی وزیر تجارت جام کمال سے ملاقات کی دوطرفہ تجارت میں اضافے پر بات چیت

September 18, 2024

پاکستان نے ایشئین چیمپئنز ٹرافی میں کانسی کا تمغہ حاصل کر لیا ۔

ویڈیو

December 14, 2023

انیق احمد سےعراقی سفیر حامد عباس لفتہ کی ملاقات، دوطرفہ تعلقات سمیت مختلف شعبوں میں تعاون بڑھانے پر اتفاق

December 8, 2023

اسلام آباد، ورکرز ویلفیئر فنڈز کی جانب سے پریس بریفنگ کااہتمام

October 7, 2023

افتخار درانی کے وکیل کی تحریک انصاف کے رہنما کی بازیابی کے حوالے سے گفتگو

October 7, 2023

افغان وزیرخارجہ کا بلاول بھٹو نے استقبال کیا

October 7, 2023

پشاور میں سینکڑوں افراد بجلی بلوں میں اضافے پر سڑکوں پر نکل آئی

کالم

September 17, 2024

اے ٹی ایم آئی ایس سے نئے امن مشن میں منتقلی کو درپیش چیلنجز ،ایتھوپیا کا نقطہ نظر

August 20, 2024

ایتھو پیا،سیاحت کے عالمی افق پر ابھرتا ہوا ستارہ

August 6, 2024

ٹریفک کا نظام

June 26, 2024

شادی کا فیصلہ کامیاب، ازدواجی زندگی اور مرد کا کردار

June 21, 2024

گورنر سندھ نے ایک بار پھر تاریخ رقم کردی