کراچی (سٹاف رپورٹر)اسلام آبادانٹرنیشنل ایئرپورٹ پر گمشدہ سامان، نقدی و زیورات اصل مالک کے حوالے کردیاگیا،تفصیلات کے مطابق فیملی نے کراچی سے اسلام آباد کے لئے نجی ایئر لائن کے ذریعے سفر کیا تھا،خاتون مسافر بیگ ڈومیسٹک آمد لیول دوئم پر واقع بیبی چینج روم میں بھول گئیں تھیں،بعدازاں خاتون سینیٹری اٹینڈنٹ صوبیہ آصف نے بیبی چینجنگ روم سے نامعلوم بیگ اپنی تحویل میں لیا،صوبیہ آصف نے ایس او پی کے مطابق بیگ تحویل میں لینے کے بعد ٹرمینل مینیجر آرائیول تبسم آرا کے حوالے کیاٹرمینل مینیجر نے مذکورہ بیگ کوآفس میں جمع کرادیا،بیگ میں تقریبا چالیس لاکھ روپے مالیت کے برابر برطانیہ پاؤنڈز 110، پاک روپے 22830، سونا 10 تولہ، موبائل 02، لیڈی سوئس واچ 01 پائی گئیں،ائرپورٹ لوسٹ اینڈ فاؤنڈ انتظامیہ سے رابطہ کرنے پر بیگ ضروری اطمینان کے بعد خاتون مسافر کو واپس کردیا گیا،ائرپورٹ اہلکار صوبیہ آصف کو ان کی ایمانداری کے اعتراف میں تعریفی سند اور 25 ہزار روپے انعام دیا گیاخاتون مسافر نے سول ایویشن انتظامیہ اور عملہ کی ایمانداری کو سراہا ۔

مزید پڑھیں: اسلام آباد پولیس کی جرائم پیشہ عناصر کیخلاف کامیاب کارروائی، تین رکنی گینگ گرفتار