گوجرانوالہ(سٹاف رپورٹر)مسلم لیگ ن کے رہنما وسابق وفاقی خرم دستگیر نے کہا ہے کہ نواز شریف پاکستان کی اعلیٰ ترین عدالت سے سرخرو ہوئے ، نا انصافی کے فیصلے کو اعلی عدلیہ نے ختم کیا، صبر جیت گیا جبر ہار گیا، ن لیگ کے کرکنان اس کامیابی پر سربسجود ہیں ۔اب تمام رکاوٹیں منہدم ہوچکیں ہیں چند دنوں میں نواز شریف بھرپور انتخابی مہم کا آغاز کریں گے ،کل کا فیصلے کا اہم زاویہ ہے پانامہ اور اقامہ کا تھیٹر اپنے اختتام کو پہنچا، ناٹونکی اپنے اختتام کو پہنچی ۔ نواز شریف کو سیاست سے باہر رکھنے کا ڈرامہ بھی ختم ہوچکا۔ سپریم کورٹ کے حکم کے مطابق اب غیر قانونی جے آئی ٹی نہیں بنے گی۔عدالت نے سمیع اللہ کیس فیصلے کو ٹرن کیا۔ سپریم کورٹ نے بتایاہے صادق اور امین قرار دینے کا کوئی طریقہ کار نہیں۔سپریم کورٹ اپنا راستہ درست کررہا ہے، آئین کی پاسداری کا رخ اختیار کیا جارہا ہے ۔خود ساختہ صادق اور امین کل ردی کی ٹوکری میں چلا گیا ہے ۔عدالت کے فیصلے کے بعد کشمیر کا سودا کرنے والے اب صادق اور امین نہیں رہے ۔ امریکہ کے ساتھ ایکدن بھڑکیں دوسرے دن منتیں کرنے والے صادق اور امین نہیں ہوئے ۔ ملک کو انڈے، کٹے ، وچھے دینے والے صادق اور امین نہیں رہے ۔9مئی کو شہدا کی یادگاروں پر حملے ور بے حرمتی کرنے والے صادق اور امین نہیں رہے ۔ان خیالات کا اظہار انہوں نے اپنی رہائشگاہ پر پریس کانفرنس سے خطاب کرتے ہوئے کیا۔اس موقع پر سابق ایم پی ایز حاجی عبدالرؤف مغل، عمران خالد بٹ، حاجی وقار احمد چیمہ، سابق میئر شیخ ثروت اکرام،نائب صدر سٹی معظم رؤف مغل ودیگر بھی موجود تھے۔سابق وفاقی وزیر انجینئر خرم دستگیر خان نے مزید کہا کہ مولانا فضل الرحمان قابل عزت ہیں انکا مطالبہ سیاسی بنیاد پر نہیں۔ وہ امن و امان کی وجہ سے الیکشن ڈیلے کرنے کی ڈیمانڈ کررہے ہیں۔ سیکیورٹی کے سیریس ایشوز ہیں فیصلہ الیکشن کمیشن نے کرنا ہے کچھ علاقوں میں الیکشن ملتوی کرنا ہے یا نہیں۔کوئی بھی جریدے جو ازادی ہے وہ مضمون لکھنے کا کہہ سکتی ہے ۔وہ جریدہ جھوٹ کا آلہ کار بن گیا۔ہم بین الاقوامی جریدے کو کہیں گے وہ اپنے معیار کو چیک کریں ۔کس طرح ان کا جریدہ جھوٹ کا آلہ کار بن گیا ہے ۔ انہوں نے غلط کہا پاکستان میں خواتین کو الیکشن میں حصہ لینے سے روکا جارہا ہے ۔ پیپلز پارٹی کیلئے ہمارے دروازے ہمیشہ کھلے ہیںدکھ ہے صرف چند ووٹ لینے کیلئے ان کی طرف سے بہت سخت الفاظ بولے گئے لیکن ہم نے جواب نہیں دیا۔