اسلام آباد(وسیم بٹ) کے آئی یو کے وائس چانسلر ڈاکٹر پروفیسر عطاء اللہ شاہ نے انٹرنیشنل اسلامک یونیورسٹی اسلام آباد میں انجینئرنگ ایجوکیشن میں پراجیکٹ بیس لرننگ کے لیے نصاب کی نظر ثانی کے عنوان پر منعقدہ ایک روزہ بین الاقوامی کانفرنس میں بطور مہمان خصوصی شرکت کی ۔شعبہ تعلقات عامہ قراقرم انٹرنیشنل یونیورسٹی سے جاری بیان کے مطابق کانفرنس منعقد کرنے کامقصدانجینئرنگ ایجوکیشن کے اندرعملی پہلوئوں کو اُجاگر کرانااور اس کے ذریعے انجینئرنگ گریجویٹ کے اندر جدید تعلیم وتربیت ،ہنر اور رویوں کے ذریعے جاب مارکیٹ کے لیے تیار کرنا تھا۔کے آئی یو کے وائس چانسلر ڈاکٹر پروفیسر عطاء اللہ شاہ نے کانفرنس سے بطور مہمان خصوصی خطاب کرتے ہوئے انجینئرنگ ایجوکیشن میں عملی پہلوئوں کو اُجاگر کرانے کی ضرورت پر زور دیتے ہوئے کہاکہ انجینئرنگ اور دیگر پروفیشنل ڈگریز کو پڑھانے اور ریسر چ کے لیے ضروری ہے کہ اساتذہ عملی مسائل پر کام کریں اور ٹیچنگ کے شعبے میں آنے سے قبل عملی کام ضرور کریں۔جس میں ڈیزائن ،ماڈلنگ اور دیگر معاشرتی مسائل ہیں۔انہوںنے کہاکہ انجینئرز کا بنیادی مقصد معاشرے کو درپیش مسائل کا دیر پا حل تلاش کرانا ہے ۔مگر بدقسمتی سے فیکلٹی کے زیادہ تر لوگ محض تحقیق پر زور دے رہے اور عملی اطلاق پر توجہ مرکوز نہیں کررہے ہیں۔جس کی وجہ سے طلبا کے اندر عملی تربیت کا فقدان ہے ۔تاہم اس ضمن میں پاکستان انجینئرنگ کونسل نے گزشتہ آٹھ دس سالوں میں نتائج کی بنیاد پر تعلیم کو رائج کرنے میں ان کی کاوشوں کے ساتھ ساتھ واشنگٹن کاکرڈ میں پاکستان انجینئرنگ کونسل کو ایگریڈیٹ کرانا شامل ہے ۔جس سے بنیاد ی طور پر ان طلبا میں انجینئرنگ ایجوکیشن میں عملی اطلاق اوراستعداد کار،ہنر پیدا کرنے میں مد د ملے گی ۔کانفرنس میں آسٹن یونیورسٹی برمنگھم،کنگز کالج لندن سے پانچ پروفیسرز نے بھی شرکت کی اور برطانیہ میں ہاسٹنیونیورسٹی اور کنگ کالج لند ن میں انجینئرنگ ایجوکیشن کے اندر علمی و عملی تبدیلیاں لانے کے تجربات سے کانفرنس کے شرکاء کو آگاہ کیا۔کانفرنس سے اظہار خیال کرتے ہوئے انٹرنیشنل اسلامک یونیورسٹی اسلام آباد غلام اسحاق خان انسٹیٹیوٹ کے ریکٹر پروفیسر فضل خالق نے اس بات پر زور دیاکہ انجینئرز اپنے مثبت رویوں کے ذریعے معاشرے کو درپیش مسائل کے حل کے لیے اپنا کردار ادا کریںاور اس ضمن میں انجینئرنگ تعلیم وتحقیق میں کافی بہتری آئی ہے ۔ضرورت اس امر کی ہے کہ ہم انڈسٹری و سوسائٹی کے ساتھ مل کر ایجوکیشن اور ریسرچ کو آگے لے جائیں۔ایک روزہ کانفرنس میں وائس چانسلر کے آئی یو کے علاوہ انٹرنیشنل اسلامک یونیورسٹی اسلام آباد غلام اسحاق خان انسٹیٹیوٹ کے ریکٹر پروفیسر فضل خالق سمیت ملکی و بین الااقوامی ماہرین تعلیم وتحقیق کی کثیرتعداد شریک تھے ۔ ایک روزہ بین الاقوامی کانفرنس میں جدید تعلیم و تحقیق کے رجحانات کو اُجاگر کرانے کے لیے برطانیہ کے صف اول کے جامعات کے تجربات سے متعلق بھی ماہرین نے آگاہ کیا۔ بین الاقوامی کانفرنس کا انعقاد انٹرنیشنل اسلامک یونیورسٹی اسلام آباد غلام اسحاق خان انسٹیٹیوٹ نے آسٹن یونیورسٹی برمنگھم،کنگز کالج لندن کے اشتراک سے منعقد کیاگیاتھا۔
وائس چانسلرکے آئی یو کے زیر صدارت اجلاس،نئے داخلوں کےحوالے سے تفصیلی تبادلہ خیال
وائس چانسلر قراقرم اننٹرنیشنل یونیورسٹی ڈاکٹر پروفیسر عطاء اللہ شاہ کے زیر صدارت گریجویٹ ایڈمیشن اینڈ پلاننگ کمیٹی کی میٹنگ منعقد ہوا ۔شعبہ تعلقات عامہ قراقرم انٹرنیشنل یونیورسٹی سے جاری بیان کے مطابق میٹنگ میں کے آئی یو ایم فل،ایم ایس اور پی ایچ ڈی پروگراموں میں نئے داخلوں کی منصوبہ بندی اور داخلوں کو حتمی شکل دینے کے حوالے سے امور پر تفصیلی تبادلہ خیال کیاگیا۔ میٹنگ میں وائس چانسلر کے ہمراہ یونیورسٹی کے ڈینز اور ڈائریکٹرز بھی شریک تھے ۔ میٹنگ میں جنوری کے وسط میں کے آئی یو گریجویٹ سکول کے ایم ایس ،ایم فل اور پی ایچ ڈی کے مختلف پروگراموں میں نئے داخلوں کا اعلان کرنے کا فیصلہ کیا گیا۔
