اسلام آباد(سٹاف رپورٹر)فورم فار ڈ گنٹی انیشی ایٹوز (ایف ڈی آئی ) کی ایگزیکٹو ڈائریکٹر عظمیٰ یعقوب نے کہا ہے کہ سیاسی جماعتوں کو غیر امتیازی پالیسیوں کو اپنانا اور ان کا نفاذ کرنا چاہیے جو واضح طور پر صنفی مساوات کی حوصلہ افزائی کریں، استحصال اور جنسی طور پر ہراساں کئے جانے کا خطرہ ماحولیاتی تبدیلیوں کے ساتھ بڑھ جاتا ہے،ایسے متاثرہ طبقات کو پالیسی سازی اور فیصلہ سازی کے عمل کا حصہ بنا کر خطرات سے نمٹا جا سکتا ہے،عام انتخابات میں رجسٹرڈ امیدواروں میں 11 فیصد خواتین شامل ہیں،سیاسی جماعتیں منصفانہ اور جامع سیاسی منظر نامے کے لئے فعال کردار ادا کریں،حکومت کی تمام سطحوں پر موسمیاتی تبدیلیوں کے خاتمے اور موافقت سے متعلق فیصلہ سازی کے عمل میں خواتین کی مساوی شرکت کو یقینی بنایا جائے، عظمیٰ یعقوب نے ان خیالات کا اظہار نیشنل پریس کلب اسلام آباد میں اپنے دیگر ساتھیوں رانیہ،شفق،ماہم جاوید،علشبہ و دیگر کے ہمراہ پریس کانفرنس کرتے ہوئے کیا، ان کا مزید کہنا تھا کہ سیاسی جماعتوں کو غیر امتیازی پالیسیوں کو اپنانا اور ان کا نفاذ کرنا چاہیے جو واضح طور پر صنفی مساوات کی حوصلہ افزائی کریں، ٹرانس افراد کے لیے ایک محفوظ اور خوش آئند ماحول کو یقینی بنائیں، پارٹی کے اراکین اور سیاسی نمائندوں کے لیے لازمی حساسیت اور بیداری کے تربیتی پروگراموں کو نافذکیا جائے تاکہ ٹرانس ایشوز کے لیے تفہیم اور احترام کو فروغ دیا جا سکے،پارٹی کے ڈھانچے، امیدواروں کے انتخاب، اور قیادت کے عہدوں کے اندر معذور خواتین اور نسلی اور مذہبی اقلیتیں،تمام پارٹی کمیونیکیشنز، منشور، اور پلیٹ فارمز میں جامع زبان کو اپنائیں، خواتین کو ان کے تمام تنوع میں تسلیم کریں اور ان کا احترام کریں، جامع صحت کی دیکھ بھال کی پالیسیوں کی وکالت کریں جو ٹرانس افراد کی مخصوص ضروریات کو پورا کرتی ہیں اور ٹرانس جینڈر ہیلتھ کیئر کو بدنام کرنے کے لیے کام کرتی ہیں،معذور خواتین کی سیاسی میں مکمل شرکت کی اجازت دی جائے، امتیازی سلوک کے خلاف جامع قانون سازی کی وکالت کریں جو خاص طور پر جنس اور معذوری کے باہمی تعلق کو حل کرتی ہے،حکومت کی تمام سطحوں پر موسمیاتی تبدیلیوں کے خاتمے اور موافقت سے متعلق فیصلہ سازی کے عمل میں خواتین کی مساوی شرکت کو یقینی بنایا جائے۔