اسلام آباد(سٹاف رپورٹر)ترجمان پاکستان سول ایویشن اتھارٹی نے جاری بیان میں کہاہے کہ تازہ ترین برفباری کے اسپل کے بعد اسکردو انٹرنیشنل ائرپورٹ کے رن ویز کی صفائی مکمل کرلی گئی۔ اسکردو انٹرنیشنل ائرپورٹ فلائیٹ آپریشنز کے لئے دستیاب ہےاسکردو میں غیرمعمولی برفباری نے ائیرپورٹ فلائیٹ آپریشنز کو جزوی متاثر کیا۔پی آئی اے اور ایئر بلیو کا اسکردو کے لئے پروازیں دوبارہ شروع کرنے کا فیصلہ بھی کیا گیاہے۔ مارچ 10 سے پی آئی اے کی اسلام آباد سے اسکردو کے لیے روزانہ پروازیں دوبارہ شروع ہوں گیپی ائی اے اپریل کے پہلے ہفتے سے کراچی اور لاہورسےاسکردو کے لئے ہفتہ وار پروازیں بھی شروع کرے گا۔ایئر بلیو اپریل کے پہلے ہفتے میں اسلام آباد سے اسکردو کے لیے اپنا آپریشن شروع کرے گی ۔ ابتدائی طور پر ائیر بلیو اسلام اباد سے سکردو ہفتے میں چار پروازیں چلائے گی ۔حالیہ بارشوں سے متاثرہ گوادر ائرپورٹ پر بھی فلائٹ آپریشن بحال ہوگئی۔