اسلام آباد( وسیم بٹ)نیشنل یونیورسٹی آف ماڈرن لینگوئجز (نمل) میں کورین سفارتخانے کی طرف سے منعقد کئے گئے “کوئز آن کوریا”مقابلے کا انعقاد کیا گیا، مقابلے کے مہمان خصوصی کوریا کے سفیر پارک کی جن تھے، جبکہ ڈین لینگوئجز ڈاکٹرجمیل اصغر جامی، رجسٹرار نمل اور اسلام آباد کنگ سیجانگ انسٹیٹیوٹ کے صدر ڈاکٹر عاطف فراز ، صدر شعبہ کورین زبان احتشام حسین کے علاوہ دیگر بھی موجود تھے،اس مقابلے میں ملک بھر سے 100طلباء شریک ہوئے جس میں شمائل فاطمہ نے پہلی پوزیشن حاصل کی، اب شمائل فاطمہ کوریا میں ہونیوالے گرینڈ فائنل مقابلے میں پاکستان کی نمائندگی کریں گے، اس وقع پر کورین سفیر نے شریک طلباء کو کورین زبان کی افادیت اور جیتنے کی صورت میں حاصل ہونیوالی سہولیات سے امیدواروں کو آگاہ کیا اور پاکستان کوریا تعلقات میں روز بروز بڑھتی گرمجوشی کو بھی دونوں ممالک کی عوام کیلئے سود مند کرار دیا۔