گوجرانوالہ( بیورو رپورٹ) پیر صوفی محمد نظام الدین سچے عاشق رسولۖاور محب وطن تھے تحریک ختم نبوت اور تحریک نظام مصطفےٰ کے لئے آپ کی خدمات قابل تحسین ہیں۔صوفی محمد نظام الدین جیسے اولیائے کرام نے ہی لوگوں کو اسلام کی طرف مائل کیا ۔اولیائے کرام کے آستانوں سے محبت رسولۖ کی خوشبو آتی ہے یہ دہشت گردی نہیں بلکہ ناموس رسالت مابۖ پر کٹ مرنے کا درس دیتے ہیں ۔ان خیالات کا اظہارممتاز مذہبی سکالر پیر زادہ محمد رضا ثاقب مصطفائی امیر اعلیٰ ادارة المصطفے پاکستان،علامہ پیر سید فدا حسین شاہ حافظ آبادی، پیر خواجہ نوید حسین سجادہ نشین دربار اللہ ہو ، صاحبزادہ پیر محمد داد رضوی نے جامع مسجد نقشبندیہ ،مدرسہ جامعہ فاطمة الزہرہ عید گاہ محلہ کھوکھر کی میں ممتاز عالم دین علامہ پیر محمد خالد حسن مجددی کے والد گرامی ممتاز روحانی شخصیت صوفی محمد نظام الدین نقشبندی کے 54 ویں سالانہ عرس مبارک اور جلسہ دستار فضیلت کی تقریب سے خطاب کرتے ہوئے کیا ۔ تقریب کی صدارت صدارت پیر خواجہ محمد نوید حسین نقشبندی مجددی نے کی۔اس موقع پر ڈاکٹر حافظ محمد احمد نورانی،مولانا محمد اکبر نقشبندی، حافظ محمد رفیق قادری، ، قاری محمد اعظم چشتی نے بھی خطاب کیا۔تقریب میں ممتاز مذہبی سکالر پروفیسر حافظ سعید احمد چشتی، مفتی عبد الطیف چشتی،پروفیسر حافظ شبیر حسین چشتی،صاحبزادہ عبدالحمید چشتی،صاحبزادہ عطاء المصطفےٰ جمیل چشتی،صاحبزادہ ضیاء المرتضےٰ چشتی، محمد زاہد حبیب قادری، مولانا حافظ محمد اشرف رضا ،چوہدری اقبال ہنجرا،چوہدری شازب چٹھہ،ملک نصیر نقشبندی، مفتی محمد شعبان القادری ‘ الحاج سرفراز احمد تارڑ،محمد نعمان صدیقی، حافظ عدیل عارف ،علامہ محمد عمر صدیقی،ملک منیب،دائود مصطفی کے علاوہ کثیر تعداد میں علمائے کرام کارکنان اہلسنت کے علاوہ سیاسی سماجی شخصیات نے بھر پور شرکت کی ۔تقریب میں مجاہدملت اسلامیہ علامہ محمد حنیف چشتی رحمة اللہ علیہ کی دینی خدمات کو بھی خراج تحسین پیش کیا گیا ۔اور مرحوم کے درجات کی بلندی کی دعا کی گئی۔ ۔اس موقع پر جامعہ سے فارغ ہونیوالے طبا کی دستار بندی اور طالبات کو چادر فضیلت عطا کی گئی۔ تقریب میںخصوصی نعت محمد شوکت خیال قادری نے پیش کی۔ مقررین نے مزید خطاب کرتے ہوئے کہا کہ مساجد و مدارس اور خانقاہیں علم دین کے فروغ مسلمانوں کی روحانی و فکری راہنمائی اور تبلیغ اسلام کے عظیم مراکز ہیں،امت مسلمہ اپنا بگڑا مقدر سنوارنے کیلئے ان سے اپنا رشتہ مضبوط کرے ، علما و مشائخ کا منظم و متحرک ہونا وقت کا اہم تقاضا ہے،معاشرے میں نفرتوں کے خاتمے اور محبتوں کو فروغ کیلئے تمام طبقات کردار ادا کریں،اسلام اور استحکام پاکستان کے خلاف سوچنے والے ہر حربے اور ہر سازش کو خاک میں ملا دیں گے۔ا قبل ازیں صوفی محمد نظام الدین نقشبندی رحمتہ اللہ علیہ کے مزار مبارک پرچادری چڑھائی گئی اور علامہ پیر محمد خالد حسن مجددی نے خصوصی دعا کی ۔عرس مبارک کی تقریب کے آخر پر علامہ پیر سید فدا حسین شاہ حافظ آبادی نے اسلام کی سربلندی، ملکی سلامتی کے لئے خصوصی دعا کی۔
پیر صوفی محمد نظام الدین سچے عاشق رسولۖاور محب وطن تھے تحریک ختم نبوت اور تحریک نظام مصطفےٰ کے لئے آپ کی خدمات قابل تحسین ہیں
![](https://immedia.pk/wp-content/uploads/2024/06/IMG-20240606-WA0087-1568x407.jpg)