ایف آئی اے پشاور زون کی بڑی کاروائیاں.وفاقی وزیر داخلہ محسن رضا نقوی کی ہدایات پر حوالہ ہنڈی اور غیر قانونی کرنسی ایکسچینج میں ملوث عناصر کے خلاف کریک ڈاؤن جاری.کمرشل بینکنگ سرکل پشاور اور کمپوزٹ سرکل مردان کے اپر دیر، کاٹلنگ بازار مردان ، سہرہ بازار مردان اور پاکستان چوک مردان میں چھاپہ مار کاروائیاں.چھاپہ مار کاروائیوں میں حوالہ ہنڈی اور غیر قانونی کرنسی ایکسچینج میں ملوث 5 ملزمان گرفتار.

ملزمان کی شناخت آصف اللہ، شاہ فہد، اسرار الدین ، سعید خان اور ابراہیم کے نام سے ہوئی.ملزمان کے قبضے سے مجموعی طور پر 40 لاکھ روپے سے زائد رقم برآمد .جبکہ غیر ملکی کرنسی کی مد میں 880 سعودی ریال ،500 درہم بھی برآمد ہوئے.گرفتار ملزمان بغیر لائسنس کرنسی کی غیر قانونی ایکسچینج میں ملوث ہیں۔ملزمان برآمد ہونے والی کرنسی کے حوالے سے حکام کو مطمئن نہ کر سکے.ملزمان سے حوالہ ہنڈی سے متعلق شواہد بھی برآمد کر لیے گئے.ملزمان کو گرفتار کر کے تفتیش کا آغاز کر دیا گیا ہے