گوجرانوالہ(سٹاف رپورٹر)مسلم لیگ ن کے مرکزی رہنما سابق وفاقی وزیر خرم دستگیر نے کہا ہے کہ این اے 78کی انتخابی مہم کا آغاز کل سے کر دیا گیا ہے ،گوجرانوالہ شہر کی ایک ایک اینٹ پر شیر کا نشان ہے ۔یہ ترقی کی ایک طویل جہد و جہد ہے ،ہم نے سڑکیں،سکول ،اسپتال ڈلیور کیے ہیں،دیہاتی علاقوں میں بھی اب پہلے سے بہتر حالات موجود ہیں ،ہم نے گوجرانوالہ کے شہریوں کو ترقی بنا کر دیکھائی ہے۔ترقی کر کے دیکھانے کا ریکارڈ مسلم لیگ ن کے علاوہ کسی کے پاس نہیں، 28دن باقی ہیں الیکشن کی مہم میں،ہم اپنے بہن بھائیوں کے پاس جائیں گے ترقی اور خوشحالی کی بات کریں گئے۔اس سے پہلے نفرت اور 9مئی کے حوالے سے بہت تخریب ہوئی ہے ۔پاکستان کو آگے لیکر جانا ہے تو آگ لگانے سے نہیں ہو گا ۔دفاعی تنصیبات پر حملے کرنے سے پاکستان آگے نہیں جائے گا ،شہیدوں کے مجسمے تباہ کر کے پاکستان ترقی نہیں کر سکتا، چند مہنیوں میں میانوالی کے ائیر بیس پر دو حملے ہوئے ایک دہشت گردوں دوسرا تحریک انصاف نے کیا۔ان خیالات کا اظہار انہوں نے گذشتہ روز چھ منزلہ پارکنگ پلازہ کی چھت پر پریس کانفرنس کرتے ہوئے کیا۔اس موقع پر سابق ایم پی اے حاجی عبدالرؤف مغل، عمران خالد بٹ، حاجی وقار چیمہ ودیگر بھی موجود تھے۔سابق وفاقی وزیر انجینئر خرم دستگیر خان نے مزید کہا کہ پاکستان کے مختلف علاقوں میں امن و امان کی صورتحال مفلوج ہے۔چاہے وہ پشاور ہائی کورٹ ہے سپریم کورٹ کے سب فیصلوں کا اطلاق اتنا ہی وہاں ہوتا ہے جتنا دوسرے علاقوں میں ہوتا ہے ۔ہمارا مطالبہ یہ ہے کہ اگر سپریم کورٹ کے فیصلوں کی کوئی وقت ہے تو اس کا اطلاق اتنا ہی ہونا چاہیے جتنا نواز شریف پر ہوا۔سپریم کورٹ نے تین فیصلے کیے جو ملنا حق تھے لیکن ریکارڈ کا حصہ ہیں پہلا فیصلہ نواز شریف کی نااہلی ، دوسرا صدارت سے ہٹانے کا اور تیسرا انتخابی نشان لینے کا۔نااہلی سے متعلق فیصلہ عدالتی معاملہ ہے۔اس پر سپریم کورٹ فیصلہ کرے گا۔مسلم لیگ ن کے امیدواروں سے سینٹ کے انتخابات میں شیر کا نشان واپس لے لیا گیا ۔ملبہ ہمیشہ منتخب نمائندوں پر ہی پڑتا ہے۔لوڈشیڈنگ کا جن بوتل سے باہر نہیں ہے ۔اس بار موسم گرما میں لوڈشیڈنگ کے حالات بہت بہتر تھے ۔اگلے چند روز میں میاں نواز شریف اپنے انتخابی مہم کا اعلان کریں گے۔مسلم لیگ ن کا مقابلہ مہنگائی اور بیروزگاری سے ہیں ۔ہم اس ملک کی ترقی کا ایجنڈا لیکر آئے ہیں۔اس ملک میں بھی جو بھی گیس آ رہی ہیں وہ میاں نواز کا قطر سے معاہدہ کا نتیجہ ہے۔جب تا حیات نااہلی کا فیصلہ دیا گیا تھا تب ملک میں قانون موجود نہیں ہے ۔چیئرمین پی پی پی کو پنجاب میں خوش آمدید کہتے ہیں ۔اگر پی پی پی کے پاس کوئی ترقی کا ایجنڈا ہے تو وہ ضرور آ کر پنجاب کی عوام کو بتائیں۔

مزید پڑھیں: سابق گورنر پنجاب کے بیٹے خرم لطیف کھوسہ کو گرفتار کرلیا گیا