اسلام آباد:نگران وفاقی وزیر اطلاعات و نشریات مرتضیٰ سولنگی نے بلوچستان کے علاقے مستونگ میں دھماکہ کی شدید الفاظ میں مذمت کی ہے۔ انہوں نے دھماکہ میں شہید افراد کے اہل خانہ سے ہمدردی کا اظہار کیا اور زخمیوں کی جلد صحت یابی کیلئے دعا کی۔ جمعہ کو اپنے بیان میں نگران وفاقی وزیر اطلاعات نے کہا کہ دہشت گردی کی بزدلانہ کارروائیوں سے قوم کے حوصلے پست نہیں ہو سکتے، پورا پاکستان دہشت گردی کی لعنت کے خلاف متحد ہے۔ انہوں نے کہا کہ دہشت گرد عناصر کسی رعایت کے مستحق نہیں، سیکورٹی فورسز اور عوام کے تعاون سے دہشت گردی کی عفریت کا مکمل خاتمہ کریں گے۔