اِسلام آباد (پریس ریلیز) ءسینیٹ کی ہاوس کمیٹی کا اِجلاس ڈپٹی چیئرمین سینیٹ سیدال خان کی سربراہی میں پارلیمنٹ ہاوس میں منعقد ہوا۔ کمیٹی نے آج کے اِجلاس میں پارلیمنٹ لاجز میں پارلیمنٹر ینز کو درپیشِ مسائل کا تفصیل سے جائزہ لیا اور فیصلہ کیا کہ کمیٹی کے آئندہ اجلاس میں سی ڈی اے سے تفصیلی بریفنگ لے گی۔کمیٹی ممبران نے چیئرمین کمیٹی کو آگاہ کیا کہ پارلیمنٹ لاجز کے نئے بلاکس پر تعمیراتی کام بڑے عرصے سے رکا ہوا ہے اور اس کی وجہ سے اسکی لاگت میں بے پناہ اِضافہ ہو گیا ہے۔اراکین کمیٹی نے کہا کہ لاجزکی تزئین و آرائش پرانے ایئر کنڈیشنز کی تبدیلی اور واٹر فلٹر زوغیرہ سمیت صفائی اور دیگر متعلقہ بنیادی مسائل کے حوالے سے موثر حکمت عملی اختیار کی جائے گی ۔کمیٹی نے متفقہ طور پہ فیصلہ کیا کہ وہ آئندہ اجلاس میں سی ڈی اے سے گزشتہ تین سال میں خرچ کیے گئے بجٹ کی تفصیل، سی ڈی اے کا سالانہ بجٹ اور پارلیمنٹ لاجز کے لیے مختص سی ڈی اے ملازمین کی تعداد کے ساتھ ساتھ نئے بلاکس ِ کی بر وقت تعمیر اوراس کی راہ میں رکاوٹوں کے حوالے سے تفصیلی بریفنگ لے گی۔ڈپٹی چیئرمین سینیٹ سیدال خان نے کمیٹی ممبران کا شکریہ ادا کیا اور اس بات کی یقین دہانی کروائی کہ کمیٹی تمام ممبران کے تعاون سے پارلیمنٹرینز کو پارلیمنٹ لاجز کے حوالے سے درپیش مسائل کا موثر حل نکالے گیا۔کمیٹی کے آج کے اجلاس میں سینیٹر ڈاکٹر زرقا سہروردی تیمور،سینیٹر ناصر محمود،سینیٹر بلال احمد خان،سینیٹر عطاالرحمن،سینیٹر ہدایت اللہ خان،سینیٹر دنیش کمار،سینیٹر خالدہ عطیب اور ایڈیشنل سیکرٹری سروسز حفیظ اللہ شیخ نے شرکت کی۔
سینیٹ کی ہاوس کمیٹی کا اِجلاس ڈپٹی چیئرمین سینیٹ سیدال خان کی سربراہی میں پارلیمنٹ ہاوس میں منعقد ہوا
![](https://immedia.pk/wp-content/uploads/2024/06/IMG-20240610-WA0139-1568x562.jpg)