الیکشن میں تاخیر برداشت نہیں کرینگے،پیپلزپارٹی

آباد(عامر رفیق بٹ )پاکستان پیپلز پارٹی کے رہنماو ںنے کہا ہے کہ پیپلزپارٹی کسی صورت میں انتخابات میں تاخیر نہیں چاہتی،الیکشن کمیشن سے الیکشن ملتوی ہونیوالی درخواستوں کی سماعت نہ کرنے کی ڈیمانڈ کی ہے، کاغذات نامزدگی مسترد یا قبول کرنے کی کوئی یونیفارم پالیسی بنائی جائے،عوام جس کو بھی منڈیٹ دے گی پیپلز پارٹی اس کا احترام کرے گی،لیول پلیئنگ فیلڈ کے حوالے سے بھی ہم نے بات کی،حلقہ بندیوں کے لئے جو کمیٹیاں بنیں اس میں ہمارا کوئی رول نہیں تھا،ایم کیو ایم نے پیپلز پارٹی کے حوالے سے سفید جھوٹ بولا،سب کو پتا ہےکہ پیپلز پارٹی کے خلاف بننے والے اتحاد کا برا حال ہوگا۔چیف الیکشن کمشنر سے ملاقات کے بعد فیصل کریم کنڈی،ناصر حسین شاہ،سعید غنی،سید حسن مرتضیٰ،شجاع خان،روزی خان اور نذیر ڈھوکی کے ہمراہ میڈیا سے گفتگو کرتے ہوئے سنیٹر تاج حیدر نے کہا کہ چیئرمین بلاول بھٹو زرداری نے وفد تشکیل دیا تھا،وفد میں چاروں صوبوں کی نمائندگی تھی،دونوں سائیڈز سے خیر سگالی کا پیغام پہچانا چاہتے تھے،پیپلز پارٹی انتخابات میں کسی صورت تاخیر نہیں چاہتی،ہمیں یقین دلایا گیا ہے کہ الیکشن میں کسی صورت تاخیر نہیں ہوگی،ہم نے ڈیمانڈ رکھی ہے کہ انتخابات میں ملتوی کرنے کی درخواستوں پر سماعت نہ ہوں،ہمیں یقین دہانی کروائی گئی ہے جو الیکشن تاخیر کی درخواستیں آئیں ہیں اس کو سماعت کے بعد ناقابل سماعت قرار دی جائیں گی،ہر صوبے کے حلقہ بندیوں کا ڈیٹا چیف الیکشن کمشنر کے سامنے رکھی،ٹرانسفر اور پوسٹنگ کے اعتراضات بھی الیکشن کمیشن کے سامنے رکھے،پوسٹل بیلٹ کی اپلیکیشن کو فی الفور الیکشن کمیشن کی ویب سائیٹ پر ڈالی جائے۔ہم نے کہا کہ کاغذات نامزدگی مسترد یا قبول کرنے کی کوئی یونیفارم پالیسی بنائی جائے،ہم نے کچھ شکایات کیں اور کچھ تجاویز دیں۔ نومینیشن پیپرز ریٹرننگ آفیسر کو دے دیا جائے۔چیف الیکشن کمشنر نے تجویز دی کہ جیسے ہی کوئی اعتراض ہو واٹس ایپ پر بھیج دیں۔ فیصل کریم کنڈی نے کہا کہ ہم بلاول بھٹو زرداری کی ہدایت پر یہاں آئے،ہم نے واضح بتایا کہ الیکشن میں تاخیر برداشت نہیں کرینگے،ہمیں بتایا گیا کہ جلد الیکشن شیڈول جاری کیا جائے گا،ہم نے کچھ اپنی شکایات بھی سامنے رکھیں جس پر الیکشن کمیشن نے مثبت جواب دیا،پیپلز پارٹی کو الیکشن کمیشن پر بھرپور اعتماد ہے،عوام جس کو بھی منڈیٹ دے گی پیپلز پارٹی اس کا احترام کرے گی،لیول پلیئنگ فیلڈ کے حوالے سے بھی ہم نے بات کی۔سعید غنی نے کہا کہ ایم کیو ایم والے شاید بیوقوف ہیں،حلقہ بندیوں کے لئے جو کمیٹیاں بنیں اس میں ہمارا کوئی رول نہیں تھا،جب حلقہ بندیوں کے اعتراضات پر سماعتیں ہوئی اس میں سب سے زیادہ اعتراضات پیپلز پارٹی کے تھے،ایم کیو ایم نے پیپلز پارٹی کے حوالے سے سفید جھوٹ بولا،سب کو پتا ہےکہ پیپلز پارٹی کے خلاف بننے والے اتحاد کا برا حال ہوگا، ایم کیو ایم ایک مردہ گھوڑا ہے اور کراچی کے اندر ایک مری ہوئی سیاسی جماعت ہے۔سید حسن مرتضٰی نے کہا کہ پنجاب میں لوکل گورنمنٹ کے الیکشن نہیں ہوئے،صوبہ پنجاب میں کونسلز بنادی گئی جس میں ن لیگ کے لوگ بھرتی کیے گئے،صوبہ پنجاب سے متعلق الیکشن کمیشن نے ہم سے اتفاق کیا ،ہم نے شکایات کی ہیں انتظار ہوگا کہ دور کی جائیں۔

مزید پڑھیں: آج ہوں کل ہوں الیکشن ضرور ہوں گے، آصف زرداری

تازہ ترین

June 14, 2024

زیرو ریٹڈ استثنیٰ کو ختم کرنے سے مہنگائی میں اضافہ ہوگا، صدر ایف پی سی سی آئی

June 14, 2024

محکمہ واسا کے گریڈ ایک سے سولہ تک کے مسلم سٹاف میں عید الضحیٰ کے موقع پر 3ہزار روپیہ فی کس کا اعزازیہ تقسیم دیگر مراعات بھی واسا ملازمین کو جلد ادا کردی جائیں گی

June 14, 2024

حضرت یوسف المشائخ عریانی فحاشی کے خلاف پوری دنیا میں ایک مضبوط آواز تھے۔حضرت پیر سید احمد مصطفین حیدر شاہ گیلا نی

June 14, 2024

ایف آئی اے سائبر کرائم ونگ اپنی ٹیم کی استعداد بڑھانے کے لیے متحرک ہیں، اے دی جی

June 13, 2024

صدر مر کزی انجمن تاجران گوجرانوالہ شیخ بابر کھرانہ ، جنرل سیکرٹری میاں ثاقب غفور، صدر کلاتھ مارکیٹ بورڈ شیخ افضل جج اور جنرل سیکرٹری شیخ جواد اسحاق اور چیئرمین سپریم کونسل موبائل ایسوسی ایشن ملک سلیم نے بجٹ کو مسترد کر دیا.

ویڈیو

December 14, 2023

انیق احمد سےعراقی سفیر حامد عباس لفتہ کی ملاقات، دوطرفہ تعلقات سمیت مختلف شعبوں میں تعاون بڑھانے پر اتفاق

December 8, 2023

اسلام آباد، ورکرز ویلفیئر فنڈز کی جانب سے پریس بریفنگ کااہتمام

October 7, 2023

افتخار درانی کے وکیل کی تحریک انصاف کے رہنما کی بازیابی کے حوالے سے گفتگو

October 7, 2023

افغان وزیرخارجہ کا بلاول بھٹو نے استقبال کیا

October 7, 2023

پشاور میں سینکڑوں افراد بجلی بلوں میں اضافے پر سڑکوں پر نکل آئی

کالم

June 15, 2024

تحریر: سیدہ ہماء مرتضیٰ

February 3, 2024

کینسر کا عالمی دن اور ہماری ذمہ داریاں

January 25, 2024

کامیابی حاصل کرنے کےپسِ پردہ سنہرے اصول

January 7, 2024

زندگی آسان نہیں ہوتی بلکہ اسے آسان بنایا جاتا ہے

January 2, 2024

لمحہ فکریہ : خود کشی کا بڑھتا ہوا رجحان