مقتدرہ اور عدلیہ پاکستان کے ساتھ بہت بڑی زیادتی کر رہے ہیں، عمران خان

اسلام آباد(نیوز ڈیسک) پاکستان تحریک انصاف کے بانی چیئرمین عمران خان نے کہا ہے کہ وہ ملک و قوم کی خدمت کی ایک پوری تاریخ رکھنے والے محب وطن شہری کے طور پر اپنے وطن کی صورتحال پر نہایت فکرمند اور تشویش میں مبتلا ہیں۔ انہوں نے کہا کہ پاکستان کو جس جانب دھکیلا جا رہا ہے وہ سراسر تباہی اور بربادی کا راستہ ہے، مقتدرہ اور عدلیہ ان کے یا تحریک انصاف کے ساتھ نہیں، وہ پاکستان کے ساتھ بہت بڑی زیادتی کررہے ہیں۔

‘آئی ایم ایف سے تعاون کا وعدہ شفاف انتخابات سے مشروط تھا’
اڈیالہ جیل سے قوم کے نام اپنے خصوصی پیغام میں سابق وزیراعظم عمران خان نے کہا کہ دھاندلی زدہ اور یکطرفہ انتخابات کا سب سے بڑا اور فوری اثر پہلے سے کمزور معیشت اور آئی ایم ایف کے ساتھ ملکی معاملات پر پڑے گا کیونکہ آئی ایم ایف سے تعاون کا وعدہ صاف اور شفاف انتخابات سے مشروط تھا۔

‘پی ٹی آئی کو انتخابات سے باہر کرنے کی کوششیں کی جارہی ہیں’
بانی پی ٹی آئی کا مزید کہنا تھا کہ قومی انتخابات ملک کو سیاسی و معاشی بحرانوں سے نکالنے کا پیش قیمت موقع ہے، صاف اور شفاف انتخابات سے ملک میں اس سیاسی استحکام کا دروازہ کھلے گا جو معاشی استحکام و ترقی کے لیے ناگزیر ہے۔ انہوں نے کہا کہ تحریک انصاف کے امیدواروں کی غیرقانونی پکڑ دھکڑ، ان سے کاغذات نامزدگی چھین کر اور انہیں ہراساں کرکے پی ٹی آئی اور اس کے امیدواروں کو انتخابات سے باہر کرنے کی ظالمانہ کوششیں کی جارہی ہیں۔

‘سیاسی عدم استحکام کے باعث معاشی استحکام ممکن نہیں’
عمران خان کا کہنا تھا کہ وفاق کی علامت اور ملک کی مقبول ترین سیاسی جماعت کو جبراً انتخاب سے باہر کرکے سیاسی استحکام کو تباہ و برباد کرنے کی مجرمانہ کوششیں کی جا رہی ہیں۔ انہوں نے کہا کہ سیاسی عدم استحکام کی موجودگی میں معاشی استحکام کی توقع ممکن نہیں جس سے آئی ایم ایف پروگرام کی کامیاب تکمیل کے مواقع کم سے کم تر ہوتے جائیں گے۔

‘عوام غصے کی حالت میں ہیں’
ان کا کہنا تھا کہ جمہوریت عوام کو ووٹ کی پرچی کے ذریعے اپنی رائے کے اظہار اور حکومت کے انتخاب کا موقع فراہم کرتی ہے مگر پچھلے 20 ماہ میں بنیادی آئینی حقوق کی بدترین پامالیوں، ناکام ترین حکومتوں کی تباہ کن معاشی و انتظامی پالیسیوں اور شہری و سیاسی آزادیوں کے سلب کیے جانے پر عوام شدید غم و غصہ کی حالت میں ہیں۔

‘عوام کو آئینی اظہار کا موقع نہ ملا تو مہلک نتائج برآمد ہوں گے’
عمران خان نے کہا کہ آئین و قانون کی بالادستی اور جمہوری اقدار پر کامل یقین رکھنے والی جماعت کے طور پر تحریک انصاف نے عوام کے غصے کو پرامن سیاسی سرگرمیوں کے ذریعے دستوری طریقے سے سنبھالا اور ملک کو انتشار سے بچائے رکھا۔ انہوں نے کہا کہ اگر آزادانہ، منصفانہ، غیرجانبدارانہ اور شفاف انتخابات کے ذریعے عوام کو اپنے جذبات کے آئینی اظہار کا موقع نہ دیا گیا تو اس سے نہایت مہلک نتائج برآمد ہوں گے۔

مزید پڑھیں: سینئر نائب صدر ہوں عمران کے بعد عہدہ میرا ہے، لطیف کھوسہ

تازہ ترین

June 24, 2024

امریکن بزنس کونسل کے وفد کی جان لیوٹن کی قیادت میں وفاقی وزیر عبدالعلیم خان سے ملاقات

June 24, 2024

وزیراعظم پاکستان کی ہدایت پر وفاقی وزیر احسن اقبال کی زیر صدارت اس دورے سے بھرپور استفادہ کرنے کے لئے اہم اجلاس

June 24, 2024

جماعت اہل سنت پاکستان و جماعت رضائے مصطفی پاکستان کے وفد نے حافظ محمد رفیق قادری ناظم اعلی جماعت اور دیگر سے ملاقات کی

June 24, 2024

ممتاز علمی و روحانی شخصیت مفتی ابوداد محمد صادق رضوی رحمتہ اللہ علیہ کے 9ویں سالانہ عرس مبارک کی تقریبات کا آغاز ہوگیا

June 24, 2024

ایم ڈی واسا کاشان حفیظ بٹ نے کہا ہے کہ شہریوں کی شکایات کے ازالے کے لئے کوئی سمجھوتہ نہیں کیا جائے گا اور اس ضمن میں کوتاہی یا غفلت برداشت نہیں کی جائے گی

ویڈیو

December 14, 2023

انیق احمد سےعراقی سفیر حامد عباس لفتہ کی ملاقات، دوطرفہ تعلقات سمیت مختلف شعبوں میں تعاون بڑھانے پر اتفاق

December 8, 2023

اسلام آباد، ورکرز ویلفیئر فنڈز کی جانب سے پریس بریفنگ کااہتمام

October 7, 2023

افتخار درانی کے وکیل کی تحریک انصاف کے رہنما کی بازیابی کے حوالے سے گفتگو

October 7, 2023

افغان وزیرخارجہ کا بلاول بھٹو نے استقبال کیا

October 7, 2023

پشاور میں سینکڑوں افراد بجلی بلوں میں اضافے پر سڑکوں پر نکل آئی

کالم

June 21, 2024

گورنر سندھ نے ایک بار پھر تاریخ رقم کردی

June 15, 2024

تحریر: سیدہ ہماء مرتضیٰ

February 3, 2024

کینسر کا عالمی دن اور ہماری ذمہ داریاں

January 25, 2024

کامیابی حاصل کرنے کےپسِ پردہ سنہرے اصول

January 7, 2024

زندگی آسان نہیں ہوتی بلکہ اسے آسان بنایا جاتا ہے