کراچی(مانیٹڑنگ ڈیسک) کراچی میں کاؤنٹر ٹیررازم ڈیپارٹمنٹ(سی ٹی ڈی )اورحساس ادارے نے مشترکہ کارروائی کے دوران 2 ٹارگٹ کلرز گرفتار کرلئے۔
تفصیلات کے مطابق انچارج سی ٹی ڈی خرم وارث کا کہنا ہے کہ ملزموں کی سید رضا احمد اور سید خرم علی کے نام سے شناخت ہوئی ہے، ملزمان ملک شام سے دہشتگردی کی تربیت حاصل کرکے آئے،ملزمان کا تعلق ہائی ویلیو ٹارگٹ نامی سپیشل سکواڈ سے ہے،ملزمان ٹارگٹ کلنگ میں ملوث ہیں۔
مزید پڑھیں: کراچی:میمن گوٹھ میں 2سالہ بچی گٹر میں گر کر جاں بحق
انچارج سی ٹی ڈی کا مزیدکہناتھا کہ ملزمان بیرون ملک سے ملنے والے احکامات پر اہم شخصیات کو قتل کرتے ہیں،ملزمان کے نشانے پر کچھ غیرملکی افراد بھی تھے،ملزم سید رضا احمد سابق پولیس اہلکار ہے،ملزم سید رضا احمد 1994میں ڈس مس ہوا تھا،ملزمان کو قتل کی وارداتوں کے عوض بھاری رقم ملتی تھی۔