اسلام آباد(عامر رفیق بٹ)اسپیکر قومی اسمبلی راجہ پرویز اشرف نے کہا ہے کہ سلطنت عمان کی جانب سے گوادر کی پاکستان کو منتقلی دونوں برادر اسلامی ممالک کے درمیان برادرانہ تعلقات اور بے مثال دوستی کا مظہر ہے ،انہوں نے کہا کہ 8 دسمبر ملکی تاریخ کا ایک اہم د ن ہے،65 سال قبل آج کے دن گوادر پاکستان کا باقائدہ طور پر حصہ بنا ۔ انہوں نے کہا کہ گوادر پاکستان میں کراچی پورٹ کے بعد دوسری گہرے سمند ر کی بند رگاہ ہے،جس پر پاک چین تعاون سےتعمیراتی کام تیزی سے جاری ہے ۔ اسپیکر قومی اسمبلی نے ان خیالات کا اظہا ریوم الحاق گوادرکے موقع پر اپنے پیغام میں کیا جو ہر سال 8 دسمبر کوملک بھر میں منایا جاتا ہے۔
انہوں نے کہا کہ یوم الحاق گوادر منانے کا مقصد گوادر کے تاریخی پس منظر اور اس کی اسٹریٹجک اہمیت و افادیت کو اجاگر کرنا ہے ۔ انہوں نے کہا کہ گوادر انتہای اسٹریٹجک محل وقوع کی حامل بندر گاہ ہے یہ اہم سمندری راستوں کے قریب ہونے کے ساتھ ساتھ مختصر ترین سمندری راستہ ہے اور اپنی اسٹریٹجک محل وقوع کی وجہ سے تجارتی سرگرمیوں کااہم مرکز سمجھا جاتا ہے ۔انہوں نے کہا کہ گوادر بندر گاہ پاک چین اکنامک اقتصادی راہداری جو سابق صدر اور پاکستان پیپلزپارٹی کے شریک چیئر مین آصف علی زرداری کا ویژن ہے کا اہم منصوبہ ہے ۔انہوں نے کہا کہ اس منصوبے کے تحت بندر گاہ کی تعمیر کے علاوہ گوادر سے خنجراب پاس تک شاہرہ کی تعمیر شامل ہے جس پر کافی حد تک کام مکمل ہو چکا ہے ۔ انہوں نے کہا کہ گوادر کی بند ر گاہ کی تکمیل سے چین کے ساتھ ساتھ افغانستان اور وسطی ایشیائی ریاستوں کی مصنوعات کو مختصر ترین سمندری راستے کے ذریعے بین الاقوامی منڈیوں تک رسائی حاصل ہو گی ۔
مزید پڑھیں: پاکستان پیپلز پارٹی کراچی سے کشمیر تک بسنے والے عوام کی مقبول ترین جماعت ہے: راجہ پرویز اشرف
اسپیکر قومی اسمبلی راجہ پرویز اشرف نے کہا کہ گوادر کی بندر گاہ کی تعمیر پاک چین کی بےمثال دوستی کی عکاسی ہے ۔انہوں نے کہا کہ گوادر کی بند ر گاہ پاکستان کے معاشی ترقی کی ضامن ہے ۔ اس کی تکمیل سے نہ صرف بلوچستان بلکہ ملک بھر میں روزگار کے مواقع فراہم ہوں گے اورترقی و خوشحال کے نئے دور کا آغاز ہو گا۔
