اسلام آباد (وسیم بٹ )انٹرنیشنل کوڈ کونسل (آئی سی سی) نے پاکستان انجینئرنگ کونسل (پی ای سی) کو اقوام متحدہ کی COP28 کلائمیٹ کانفرنس کے دوران آئی سی سی گلوبل ایوارڈ 2023 سے نوازا۔ پی ای سی کے چیئرمین انجینئر محمد نجیب ہارون، رجسٹرار پی ای سی ڈاکٹر ناصر محمود خان، کنوینر پی ای سی ٹیکنیکل کمیٹی پروفیسر ڈاکٹر سروش حشمت لودھی اور آئی سی سی کے فوکل پرسن فیض السطین کی قیادت میں چار رکنی وفد نے تقریب میں شرکت کی۔ امریکی محکمہ تجارت کی انڈر سیکریٹری ماریسا لاگو اور آئی سی سی گلوبل آپریشنز کی سینئر نائب صدر جوڈی زکرسکی نے پی ای سی چیئرمین اور وفد کو باوقار آئی سی سی گلوبل ایوارڈ 2023 پیش کیا۔ انہوں نے پی ای سی کو مبارکباد دیتے ہوئے بلڈنگ کوڈ آف پاکستان کو اپ ڈیٹ کرنے اور گرین بلڈنگ کوڈ آف پاکستان 2023 کی تیاری میں پی ای سی کے قومی کردار کو سراہا جس میں عمارتوں کے لئے بارش کے پانی کو جمع کرنے کی دفعات بھی شامل ہیں۔ انہوں نے پاکستان کی جانب سے ان معیارات کو اپنانے اور نصب کرکے پاکستان میں تعمیر شدہ ماحول کو کاربن سے پاک کرنے کے عالمی پائیدار ایجنڈے میں کردار ادا کرنے کے لئے پاکستان کی سنجیدہ کوششوں کا بھی اعتراف کیا۔ چیئرمین پی ای سی نے اس عزم کا اعادہ کیا کہ آئی سی سی کا عالمی شراکت دار ہونے کے ناطے پی ای سی سرکاری اور نجی شعبے میں مقامی اسٹیک ہولڈرز کے ساتھ مزید کام کرنے کے لئے بہت باشعور ہے جس میں قومی / بین الاقوامی تنظیموں کی مالی معاونت بھی شامل ہے تاکہ ان کوڈز کو استعداد کار میں اضافے کے ذریعے نافذ کیا جاسکے، توانائی کے تحفظ کے لئے حکومت کی طرف سے معاشرے کی حوصلہ افزائی کے لئے پالیسی سازی، پانی اور پاکستان میں تعمیر شدہ ماحول پر آب و ہوا کی تبدیلی کے منفی اثرات کو کم کرنا۔ اس تقریب کو عالمی سطح پر “تعمیر شدہ ماحول کو ڈی کاربنائز کرنا: بلڈنگ کوڈز نفاذ کے لئے صلاحیت سازی” کے موضوع پر سیشن کے دوران براہ راست نشر کیا گیا تھا۔ اس تقریب میں بین الاقوامی برادری اور اقوام متحدہ کی 28COP موسمیاتی کانفرنس میں شرکت کرنے والے متعلقہ ماہرین نے بہت اچھی طرح سے شرکت کی۔ یہ اعزاز نہ صرف پی ای سی بلکہ پاکستان بالخصوص انجینئرنگ برادری کے لیے بھی ایک بڑا اعزاز ہے۔

مزید پڑھیں: صدراسلامی یونیورسٹی ڈاکٹر ھذال حمود العتیبی کو قازقستان کے قومی ایوارڈ سے نوازاگیا