قراقرم انٹرنیشنل یونیورسٹی اور پنجاب یونیورسٹی تعلیمی روابط کو مضبوط کرنے کے لیے مشترکہ طور پر کام کریں گے ۔ڈاکٹر پروفیسر عطاء اللہ شاہ
لاہور ( وسیم بٹ)قراقرم انٹرنیشنل یونیورسٹی کے وائس چانسلر انجینئر پروفیسر ڈاکٹر عطاء اللہ شاہ نے پنجاب یونیورسٹی کے وائس چانسلر پروفیسر ڈاکٹر خالد محمود سے ملاقات کی۔ دونوں مندوبین کے درمیان ہونے والی بات چیت کا محور تعلیمی وتحقیقی تعاون کو بڑھانا، فیکلٹی و اسٹودنٹ ایکسچینج پروگرام کوفروغ دینے سمیت مختلف امور پر تفصیلی تبادلہ خیال کیاگیا۔ ملاقات میں فیصلہ کیاگیاکہ2024 کے موسم گرما میں پنجاب یونیورسٹی کے منتخب فیکلٹی ممبران جامعہ قراقرم کا دورہ کریں گے۔دورے کا مقصد کے آئی یو میں فیکلٹی اور ایم فل،پی ایچ ڈی سکالرز کے لیے ایک جامع ورکشاپ کا انعقاد کرنا ہے۔ملاقات میں گفتگو کرتے ہوئے دونوں جامعات کے وائس چانسلرنے کہاکہ مضبوط تعلیمی تبادلے کے حوالے سے ابتدائی مرحلے میں KIU بک کلب کے طلباء 10 دسمبر سے 19 دسمبر 2023 تک کا دورہ شامل تھا۔ اس دورے کے دوران30 طلباء پر مشتمل وفد نے جامعہ پنجاب کا بامعنی تعلیمی دورہ کیا۔دورے کے اختتام پر دونوں جامعات کے لائبریریز کے مابین مفاہمتی یادداشت (ایم او یو) پر دستخط بھی کیاگیا۔ملاقات میں دونوں جامعات کے مندوبین نے مستقبل قریب میں مفاہمتی یاداشت کو بامقصد بنانے کے عزم کا اظہار کرتے ہوئے پاکستان چین اقتصادی راہداری (CPEC) کی اہمیت کو دیکھتے ہوئے مل کر اعلیٰ تعلیمی منصوبوں کو ترقی دینے کے امکانات تلاش کرنے کا فیصلہ کیا۔ملاقاتمیں اس امر کا بھی اظہار کیاگیاکہ دونوں اداروںکے مابین ایم او یو کی تیاری سمیت دونوں اداروں کے درمیان تعلقات کو مضبوط بنانے کے لیے کے آئی یو شعبہ آئی آر کے لیکچرار ڈاکٹر وحید اخلاق کے آئی یو کی جانب سے جبکہ پنجاب یونیورسٹی کی جانب سے ڈاکٹر شاہ زیب خان فوکل پرسن ہونگے ۔ملاقات کے آخر میںکے آئی یو کے وائس چانسلر نے جامعہ پنجاب کے وائس چانسلر پروفیسر ڈاکٹر خالد محمود اور ڈاکٹر شاہ زیب خان کو پاک چائنہ دوستی پرلکھی گئی اپنی کتاب دیا۔
مزید پڑھیں: آیوڈین کی کمی کے عالمی دن کے حوالے سے قراقرم انٹرنیشنل یونیورسٹی میں سیمینار کا انعقاد
