اسلام آباد(سٹاف رپورٹر) پاکستان پیپلز پارٹی کے سیکرٹری اطلاعات فیصل کریم کنڈی نے کہاہے کہ ہمارا صل ٹارگٹ بلاول کو وزیراعظم بنا ناہے، ن لیگ ہمیشہ نے اداروں کو سیاست میں گھسیٹا ہے۔ پی پی پی کے پی ٹی آئی کے ساتھ سیاسی اتحاد کرنے کا کوئی پروگرام نہیں ہے
اسلام آباد میں پریس کانفرنس کرتے ہوئے فیصل کریم کنڈی نے کہا کہ بلاول بھٹو زرداری نے سولہ ماہ کی حکومت کی کارکردگی پر بات کی۔ پنجاب میں جب بھی حکمران اقتدار میں آتے ہیں تو انتقام لیتے ہیں ۔پیپلز پارٹی کے دور حکومت میں کسی سے سیاسی انتقام نہیں لیا گیا ۔ہمارا مقابلہ سیاسی جماعتوں سے نہیں بلکہ مہنگائی سے ہے۔
چیئرمین بلاول بھٹو زرداری نے چھ ورکرز کنونشن سے خطاب کیا ۔ان کا کہنا تھا کہ خیبر پختونخوا میں فقید المثال عوام نےبلاول بھٹو کا استقبال کیا۔فیصل کریم کنڈی نے کہا کہ کے پی کے کی صوبائی تنظیم کو خراج تحسین پیش کرتے ہیں۔ ہم سینئر سیاستدانوں کا احترام کرتے ہیں اب ملک کی سیاست نوجوانوں کے حوالے کی جائے۔ ایک طرف سے بیان آیاکہ سیاست بچوں کے حوالے کرنے کی مخالفت کی اسی نوجوان نے سیاسی جماعتوں پارلیمنٹ میں لائے جو حلف اٹھانے کی مخالف تھیں۔ ہمیں الیکشن کمیشن پر مکمل اعتماد ہے پنجاب حکومت ایک سیاسی جماعت کے سربراہ کو پروٹوکول دے رہی ہے ۔پی پی پی نے ہمیشہ مارشل لاء کا مقابلہ کیا میاں صاحب کا بیانیہ ووٹ کو عزت دو کا بیانیہ پاکستان میں آکر ختم ہو گیا جو لوگ میاں صاحب اور محترمہ بی بی کی واپسی کا موازنہ کرنے کی باتیں کررہے تھے لاہور میں سب عیاں کیا ۔پی پی اپنے مشور کے مطابق چلیں گی ۔پی پی پی کا ٹارگٹ بلاول بھٹو زرداری کو وزیر اعظم بنانے کا ہے ۔
انہوں نے کہا کہ بلاول بھٹو زرداری کو وزیر اعظم بنانے کے لیے سیاسی جماعتوں سے رابط کریں گے،پی آئی اے کو سوچے سمجھے منصوبے کے تحت نجکاری میں دیا جارہا ہے ۔سٹیل مل اور پی آئی اے کی نجکاری نہیں ہونے دینگے۔ دیگر سیاسی جماعتیں بیساکھیاں ٹھونڈ رہے ہیں سیاسی جماعتوں کو عوام کے فیصلے ماننے چاہئے ۔ پی پی پی کے پی ٹی آئی کے ساتھ سیاسی اتحاد کرنے کا کوئی پروگرام نہیں ہے۔ پی آئی اے کو خریدنے کے لیے ایک سیاسی جماعت کے لوگ دلچسپی لے رہے ہیں ہمیشہ ن لیگ نے اداروں کو سیاست میں گھسیٹا ہے۔
مزید پڑھیں: پرانے سیاستدان گھر یا مدرسے بیٹھیں اور دعا کریں، بلاول بھٹو زرداری
