بینظیر بھٹو کی آج 16 ویں برسی منائی جا رہی ہے، سندھ بھر میں عام تعطیل

اسلام آباد (نیوزڈیسک) سیاست کے مشکل ترین محاذ پر کامیابی سمیٹنے والی لیڈر، پاکستان اور مسلم دنیا کی پہلی خاتون وزیر اعظم بے نظیر بھٹو کی آج 16 ویں برسی منائی جا رہی ہے۔

اوائل عمری سے اقتدار اور آسائشیں دیکھنے والی ذوالفقار علی بھٹو کی پنکی کو جب میدان سیاست میں اترنا پڑا تو پھر بہادری، پہاڑ جیسا حوصلہ اور کمال قائدانہ صلاحیتوں کے اوصاف ان کی سیاست میں نظر آئے، آزمائشوں اور سازشوں کے دوران، صبر و بہادری ایسی تھی کہ شعرا بھی بے نظیر بھٹو کیلئے لکھنے پر مجبور ہوئے۔

بے نظیر بھٹو نے سیاست کے میدان میں قدم مارشل لاء کے خلاف جدوجہد کے ساتھ رکھا، تربیت کا آغاز اقوام متحدہ کی سلامتی کونسل کے اجلاس اور شملہ معاہدے کے یادگار موقع پر شرکت سے ہوا، 30 سالہ سیاسی کیرئیر میں بے نظیر بھٹو صرف ساڑھے چار سال حکومت میں رہیں، سیاسی آزمائشوں کا بے نظیر بھٹو نے تدبر اور بہادری سے مقابلہ کیا۔

18 اکتوبر کے دہشت گرد حملے کے باوجود محترمہ 27 دسمبر 2007ء کو لیاقت باغ راولپنڈی جلسہ گاہ پہنچیں، جلسہ کے اختتام پر خودکش حملے میں انہیں شہید کر دیا گیا، محترمہ بے نظیر بھٹو کی شخصیت و کردار آج بھی لاکھوں لوگوں کے دلوں میں زندہ ہے۔

بینظیر بھٹو کے قاتل تاحال گرفتار نہ ہو سکے

پیپلز پارٹی ایک طرف شہید ذوالفقار علی بھٹو کو انصاف دلوانے کیلئے عدالتوں کے دروازے کھٹکھٹا رہی ہے اور دوسری طرف پیپلز پارٹی کے خود اقتدار میں رہنے کے باوجود بھٹو کی بیٹی کے قاتلوں کا سراغ آج تک نہیں مل سکا، بینظیر بھٹو کے قاتلوں سے متعلق خود پیپلز پارٹی کی قیادت کے متضاد بیانات کو بھی کیس کے حل نہ ہونے کی وجہ قرار دیا جاتا ہے۔

بے نظیر بھٹو کے قتل کا الزام کبھی پرویز مشرف اور پرویز الہٰی پر دھرا گیا تو کبھی آصف زرداری اور ان کے قریبی رفقاء نے قاتلوں کو جاننے کا دعویٰ کیا، بی بی شہید کے قتل کا الزام کالعدم تنظیموں پر عائد کیا جاتا رہا اور اسٹیبلشمنٹ، عالمی قوتوں کی سازش بھی قرار دیا گیا، متعدد انکوائریاں کرائی گئیں، تحقیقاتی ایجنسیوں کی جانب سے قتل کی سازش کا سراغ لگانے کے قریب پہنچ جانے کے بیانات بھی دیئے گئے مگر اصل حقائق پر آج بھی پردہ پڑا ہوا ہے۔

مزید پڑھیں: بینظیر بھٹو کی آج 16 ویں برسی منائی جا رہی ہے، سندھ بھر میں عام تعطیل

بینظیر بھٹو قتل کی تحقیقات کیلئے پیپلز پارٹی دور میں سکاٹ لینڈ یارڈ پولیس کی مدد حاصل کی گئی اور اقوام متحدہ کا انکوائری کمیشن بھی پاکستان آیا، اس کمیشن نے انکوائری میں رکاوٹیں پیدا کرنے کا شکوہ کرتے ہوئے ایک مبہم سی رپورٹ جاری کی اور واپس چلا گیا۔

عام تعطیل کا اعلان

بینظیر بھٹو کی برسی پر صوبہ بھر میں عام تعطیل کا اعلان کر دیا گیا، نگران وزیر اعلیٰ سندھ جسٹس (ر) مقبول باقر نے برسی کی مناسبت سے سندھ بھر میں عام تعطیل کی منظوری دی، آج تمام سرکاری، نجی ادارے، لوکل کونسلز اور صوبائی حکومت کے انتظامی ادارے بند رہیں گے۔

تازہ ترین

June 14, 2024

زیرو ریٹڈ استثنیٰ کو ختم کرنے سے مہنگائی میں اضافہ ہوگا، صدر ایف پی سی سی آئی

June 14, 2024

محکمہ واسا کے گریڈ ایک سے سولہ تک کے مسلم سٹاف میں عید الضحیٰ کے موقع پر 3ہزار روپیہ فی کس کا اعزازیہ تقسیم دیگر مراعات بھی واسا ملازمین کو جلد ادا کردی جائیں گی

June 14, 2024

حضرت یوسف المشائخ عریانی فحاشی کے خلاف پوری دنیا میں ایک مضبوط آواز تھے۔حضرت پیر سید احمد مصطفین حیدر شاہ گیلا نی

June 14, 2024

ایف آئی اے سائبر کرائم ونگ اپنی ٹیم کی استعداد بڑھانے کے لیے متحرک ہیں، اے دی جی

June 13, 2024

صدر مر کزی انجمن تاجران گوجرانوالہ شیخ بابر کھرانہ ، جنرل سیکرٹری میاں ثاقب غفور، صدر کلاتھ مارکیٹ بورڈ شیخ افضل جج اور جنرل سیکرٹری شیخ جواد اسحاق اور چیئرمین سپریم کونسل موبائل ایسوسی ایشن ملک سلیم نے بجٹ کو مسترد کر دیا.

ویڈیو

December 14, 2023

انیق احمد سےعراقی سفیر حامد عباس لفتہ کی ملاقات، دوطرفہ تعلقات سمیت مختلف شعبوں میں تعاون بڑھانے پر اتفاق

December 8, 2023

اسلام آباد، ورکرز ویلفیئر فنڈز کی جانب سے پریس بریفنگ کااہتمام

October 7, 2023

افتخار درانی کے وکیل کی تحریک انصاف کے رہنما کی بازیابی کے حوالے سے گفتگو

October 7, 2023

افغان وزیرخارجہ کا بلاول بھٹو نے استقبال کیا

October 7, 2023

پشاور میں سینکڑوں افراد بجلی بلوں میں اضافے پر سڑکوں پر نکل آئی

کالم

June 15, 2024

تحریر: سیدہ ہماء مرتضیٰ

February 3, 2024

کینسر کا عالمی دن اور ہماری ذمہ داریاں

January 25, 2024

کامیابی حاصل کرنے کےپسِ پردہ سنہرے اصول

January 7, 2024

زندگی آسان نہیں ہوتی بلکہ اسے آسان بنایا جاتا ہے

January 2, 2024

لمحہ فکریہ : خود کشی کا بڑھتا ہوا رجحان